2008 jyly Reseıdiń Grýzııaǵa jasaǵan basqynshylyǵy kezinde tanymal bolǵan etnıkalyq qazaq Tasbolat Ibrashevtiń Ýkraınadaǵy soǵysta qaza tapqany jaıly habar tarady. Oqıǵanyń 3 aqpanda bolǵany aıtylady. Bul týraly 24tv.ua agenttigi jazdy, dep habarlaıdy «Adyrna» tilshisi.
«Ýkraına qorǵanys kúshteri Reseı áskerı qyzmetshisi Tasbolat Ibrashevtyń kózin joıdy. Ol 2025 jyldyń 3 aqpanynda Harkov oblysyndaǵy Volchansk qalasyndaǵy shaıqas kezinde mert boldy», - delingen habarlamada.
Eske salaıyq, Tasbolat Ibrashev 2008 jyly Reseıdiń Grýzııaǵa jasaǵan basqynshylyǵy kezinde tanymal bolǵan edi. Onyń Gorı qalasynyń shetindegi grýzın áskerı kolonnasynyń aldynda turǵan kadrlary álemdik BAQ-tarda jarııalanǵan bolatyn. Uzaq ýaqyt boıy sýrettegi adam Býrıatııadan shyqqan Bato Dashıdorjıev dep kelgen. Alaıda keıinirek bul sýrettegi adam býrıat emes, Qazaqstannyń týmasy Tasbolat Ibrashev ekeni anyqtaldy. Ol kezde 58-Reseı áskerinde kelisimshart boıynsha qyzmet etken.
Tasbolat Ibrashev 1984 jyly Atyraý oblysynda dúnıege kelgen. 1986 jyly anasymen birge Reseıge kóship ketken. 2008 jyly Soltústik Kavkazda qyzmet etip, 2010 jyly kelisimshart aıaqtalǵannan keıin Astrahanǵa oralǵan.
