Şyǧys Qazaqstan oblysynda deviantty mınez-qūlqy bar balalarǧa arnalǧan arnaiy mektep-internattan tört jasöspırım qaşyp ketken. Olar qatty aiazda syrt kiımsız qoǧamdyq därethanada jasyrynǧan, dep habarlaidy "Adyrna" ūlttyq portaly.
Jasöspırımderdıŋ aituynşa, mūndai qadamǧa baruǧa mekemedegı älımjettık pen zorlyq-zombylyq sebep bolǧan.
Jelıdegı aqparatqa säikes, balalar özderıne körsetılgen qatygezdıkke töze almai, internattan ketuge mäjbür bolǧan. Olardyŋ dalada toŋyp qalǧanyn rastaityn video äleumettık jelılerde tarady. Kadrlarda tört jasöspırımnıŋ suyqtan dırıldep, jeidemen otyrǧany körınedı.
"Mıne, qoldary qatyp qalǧan. Ötınemın, kömektesıŋızder!" – deidı videodaǧy dauys.
Atalmyş oqiǧa ŞQO Altai audanyna qarasty Serebriansk qalasynda bolǧan. Sol tünı aimaqta aua temperaturasy -35 gradusqa deiın tömendegen.
Arnaiy mektep-internat direktorynyŋ mındetın atqaruşy Sarqyt Däuletova oquşylardyŋ qaşu deregın rastady.
"Balalar tünde tabyldy. Barlyǧyn bırden auruhanaǧa jıberdık. Ekeuı emdelıp şyqty. Qazırgı uaqytta balalardan jauap alynyp jatyr," – dedı ol.
Alaida ol mekemedegı älımjettık faktılerı turaly pıkır bıldıruden bas tartty.
Qazırgı taŋda prokurorlar men polisiia būl ıske qatysty tekseru jürgızude. Resmi aqparatqa süiensek, balalarǧa zorlyq-zombylyq körsetıldı degen mälımet älı rastalǧan joq. Degenmen, olar "ünemı qaşatyn balalar" sanatynda bolǧan.
ŞQO bılım basqarmasy oqiǧaǧa qatysty äzırge naqty tüsınıkteme bermedı. Aita keteiık, atalǧan mektep-internatta 50-ge juyq bala tärbielenedı.
Ūqsas jaŋalyqtar
