Qazaqstannyŋ bırınşı, älemnıŋ 7-raketkasy Elena Rybakina Australiia aşyq chempionatynda üşınşı ainalymdaǧy oiynnan keiın jaraqaty turaly aitty, dep habarlaidy "Adyrna" ūlttyq portaly.
Legioner tennisşı älemnıŋ 33-raketkasy, ukrainalyq Daiana Iаstremskaiamen ötken match barysynda belındegı jaraqatqa bailanysty üş ret medisinalyq kömekke jügındı.
"Şynymdy aitsam, bäsekenıŋ qalai bıtetının bılgen joqpyn. Jaraqattyŋ qaidan bolǧany belgısız. Būl oŋaiǧa tüspedı. Ūzaq oinau auyr tietının tüsındım, sondyqtan belsendırek qimyldap, keide täuekelge baruǧa tura keldı. Matchtyŋ nätijesı menıŋ paidama şeşılgenıne şynymen quanyştymyn", - dedı ol.
Sondai-aq, ol älı tolyq emdelmegenın aitty.
"Bärı qalypqa tüse qoiǧan joq. Fizioterapevtım maǧan kömektesedı dep ümıttenemın", - dedı Rybakina matchtan keiın.
Qazaqstandyq tennisşınıŋ jaraqatyna bailanysty ötken jyly Parij Olimpiadasyna qosa AQŞ aşyq chempionaty, Seul, Beijıŋ siiaqty ırı jarystarǧa qatysudan bas tartqan bolatyn.
Ūqsas jaŋalyqtar
