5 qańtarda halyq ártisi Nurǵalı Núsipjanov 88 jasqa toldy, dep habarlaıdy «Adyrna» tilshisi.
Ańyz ánshini ónerdegi áriptesteri quttyqtap, tilekterin jaýdardy. Aqjarma tilegin bildirgen belgili jýrnalıst Marat Baıdildáuly Nurǵalı Núsipjanovtyń «Qazaqstannyń Eńbek Eri» ataǵyn almaǵan málimdedi.
«Osydan eki jyl buryn Nuraǵańa «Qazaqstannyń Eńbek Eri» ataǵyn berý týraly memleket basshysynyń atyna hat jazyp, osy ataqty alǵan Asanáli Áshimovten bastap, Dýlat Isabekov, Muhtar Shahanov, Roza Rymbaeva, Aıagúl Mırazova sııaqty bes qaıratkerge qol qoıǵyzyp jiberip edik. Ókinishke qaraı, usynys ótpedi. Alla taǵalam Nurǵalı aǵama uzaq ómir bersin! Qudaı qalasa endi eki jyldan keıin 90 jyldyǵynda buıyrar! Soǵan bárimiz aman-esen jeteıik!»—dedi ol.
Nurǵalı Núsipjanuly 1937 jyly Taldyqorǵan oblysynyń Gvardııa aýdanyndaǵy Kúreńbeldiń (Altynemel) janyndaǵy Dolanaly aýylynda týǵan. Ol — Qazaqstannyń memlekettik syılyǵynyń laýreaty, «Parasat», «Qurmet» ordenderiniń ıegeri.
