Soltústik Qazaqstan oblysynda metapnevmovırýs ınfekııasynyń tórt jaǵdaıy anyqtaldy, dep habarlaıdy "Adyrna" ulttyq portaly.
SQO Sanıtarııalyq-epıdemıologııalyq baqylaý departamenti bul vırýstyń jiti respıratorlyq vırýstyq ınfekııalardyń qataryna jatatynyn habarlady.
Metapnevmovırýs – kóptegen elde keń taralǵan klassıkalyq vırýstardyń biri. Onyń shtamdary Qazaqstanda JRVI jáne tumaý aýrýlarynyń maýsymdyq kóterilýi kezinde basqa ınfekııalarmen qatar anyqtalady.
Bıylǵy epıdemııalyq maýsymda oblysta rınovırýstardyń 34 jaǵdaıy, adenovırýstardyń 28 jaǵdaıy, paragrıpptiń 23 jaǵdaıy, bokavırýstyń 5 jaǵdaıy, metapnevmovırýstyń 4 jaǵdaıy jáne koronavırýstyń 3 jaǵdaıy tirkelgen.
Mamandardyń aıtýynsha, metapnevmovırýs aýa arqyly taralady. Infekııanyń negizgi belgileri – jótel, murynnan sý aǵý, entigý, tyrysý jáne bas aýrýy. Vırýsty naqty emdeý ádisi joq, tek sımptomatıkalyq emdeý júrgiziledi.
Qazirgi ýaqytta Qazaqstanda JRVI men tumaýdyń maýsymdyq órshýi baıqalyp otyr. Sanıtar dárigerler adamdarǵa kóp jınalatyn jerlerge barmaýǵa, úı-jaılardy únemi jeldetýge, qoldy antıseptıkpen óńdeýge, sondaı-aq aýrý adamdarmen baılanysty shekteýge keńes beredi. sonymen qaatr, aýrý belgileri paıda bolǵan jaǵdaıda, mindetti túrde dárigerge kórinip, tıisti em alý qajet ekenin eskertti.
Buǵan deıin, Qytaıda metapnevmovırýsy (hMPV) dep atalatyn jańa vırýstyq aýrýdyń órshigeni týraly jazǵan edik. Vırýstyń tez taralýy saldarynan Qytaıda aýrýhanalar naýqastarǵa lyq tolǵan.
