Jezqazǵan qalasynyń turǵyndary 2025 jyldy erekshe jańalyqpen qarsy aldy. Qaladaǵy «Qazaqmys Enerdjı» JShS-niń jylý elektr ortalyǵynda jańartylǵan №8 qazandyq iske qosyldy. Bul nysan TP-13B tıpindegi jańa tehnologııalarmen jabdyqtalǵan.
Qazirgi tańda Jezqazǵanda barlyǵy 8 qazandyq jumys isteıdi: olardyń beseýi shtattyq rejımde, al úsheýi rezervte. JEO tarıhynda 1993 jyly №11 qazandyq tolyǵymen jańartylǵan edi. Araǵa 31 jyl salyp, 210 myń saǵattan astam ýaqyt qyzmet etken, tozýy 90%-dy quraǵan №8 qazandyq tolyqtaı jańartyldy.
2024 jyldyń mamyr aıynda «Tarıfti ınvestıııalarǵa aıyrbastaý» baǵdarlamasy aıasynda Qazaqstan Respýblıkasy Energetıka mınıstrligimen ınvestıııalyq kelisim jasaldy. Jobanyń jalpy quny 8,8 mıllıard teńgeni qurady. 2025 jyldyń shildesinen bastap 2029 jyldyń maýsymyna deıin 10,2 mıllıard teńge kóleminde ınvestıııalyq salymdardy qaıtarý josparlanǵan.
Jergilikti atqarýshy organdardyń qoldaýymen №8 qazandyq tolyqtaı kúrdeli jóndeýden ótip, zamanaýı standarttarǵa sáıkestendirildi. Qazirgi ýaqytta qazandyq synaq rejıminde jumys istep tur.
Zamanaýı tehnologııalarmen jabdyqtalǵan qazandyq saǵatyna 220 tonna bý óndirýge qaýqarly. Tolyq avtomattandyrylǵan basqarý júıesi mashınısterge barlyq kórsetkishterdi qashyqtan baqylaýǵa jáne proesti tıimdi basqarýǵa múmkindik beredi.
Jezqazǵanǵa jylý berý temperatýrasy belgilengen 80 gradýs deńgeıinde ustalyp otyr, biraq naqty kórsetkish 83 gradýsqa jetip, qala turǵyndaryn turaqty ári sapaly jylýmen qamtamasyz etýde. Qazandyqtyń tolyq iske qosylýy elektr energııasy óndirisin 40 megavattqa arttyrýǵa múmkindik beredi.
Bul jobanyń iske asýy Jezqazǵan turǵyndary úshin jylý jáne energııamen senimdi qamtamasyz etý jolynda mańyzdy qadam boldy. Qalada jańa qazandyqtyń iske qosylýy turǵyn úılerdegi jylý júıesiniń sapasyn arttyryp, temperatýranyń burynǵydan joǵary bolýyn qamtamasyz etti.
Jańa qazandyq qala turǵyndarynyń turmys sapasyn jaqsartyp, Jezqazǵannyń energetıkalyq áleýetin arttyrady.
