Jezqazǧan jaŋa jyldy jaŋa qazandyqpen qarsy aldy

Jezqazǧan qalasynyŋ tūrǧyndary 2025 jyldy erekşe jaŋalyqpen qarsy aldy. Qaladaǧy «Qazaqmys Enerdji» JŞS-nıŋ jylu elektr ortalyǧynda jaŋartylǧan №8 qazandyq ıske qosyldy. Būl nysan TP-13B tipındegı jaŋa tehnologiialarmen jabdyqtalǧan. Qazırgı taŋda Jezqazǧanda barlyǧy 8 qazandyq jūmys ısteidı: olardyŋ beseuı ştattyq rejimde, al üşeuı rezervte. JEO tarihynda 1993 jyly №11 qazandyq tolyǧymen jaŋartylǧan edı. Araǧa 31 jyl salyp, 210 myŋ saǧattan astam uaqyt qyzmet etken, tozuy 90%-dy qūraǧan №8 qazandyq tolyqtai jaŋartyldy. 2024 jyldyŋ mamyr aiynda «Tariftı investisiialarǧa aiyrbastau» baǧdarlamasy aiasynda Qazaqstan Respublikasy Energetika ministrlıgımen investisiialyq kelısım jasaldy. Jobanyŋ jalpy qūny 8,8 milliard teŋgenı qūrady. 2025 jyldyŋ şıldesınen bastap 2029 jyldyŋ mausymyna deiın 10,2 milliard teŋge kölemınde investisiialyq salymdardy qaitaru josparlanǧan. Jergılıktı atqaruşy organdardyŋ qoldauymen №8 qazandyq tolyqtai kürdelı jöndeuden ötıp, zamanaui standarttarǧa säikestendırıldı. Qazırgı uaqytta qazandyq synaq rejimınde jūmys ıstep tūr. Zamanaui tehnologiialarmen jabdyqtalǧan qazandyq saǧatyna 220 tonna bu öndıruge qauqarly. Tolyq avtomattandyrylǧan basqaru jüiesı maşinisterge barlyq körsetkışterdı qaşyqtan baqylauǧa jäne prosestı tiımdı basqaruǧa mümkındık beredı. Jezqazǧanǧa jylu beru temperaturasy belgılengen 80 gradus deŋgeiınde ūstalyp otyr, bıraq naqty körsetkış 83 gradusqa jetıp, qala tūrǧyndaryn tūraqty ärı sapaly jylumen qamtamasyz etude. Qazandyqtyŋ tolyq ıske qosyluy elektr energiiasy öndırısın 40 megavattqa arttyruǧa mümkındık beredı. Būl jobanyŋ ıske asuy Jezqazǧan tūrǧyndary üşın jylu jäne energiiamen senımdı qamtamasyz etu jolynda maŋyzdy qadam boldy. Qalada jaŋa qazandyqtyŋ ıske qosyluy tūrǧyn üilerdegı jylu jüiesınıŋ sapasyn arttyryp, temperaturanyŋ būrynǧydan joǧary boluyn qamtamasyz ettı. Jaŋa qazandyq qala tūrǧyndarynyŋ tūrmys sapasyn jaqsartyp, Jezqazǧannyŋ energetikalyq äleuetın arttyrady.