QR Işkı ıster ministrınıŋ orynbasary İgor Lepeha "Ştrafstan" mäselesıne bailanysty sūraqtardy būl normalardy qabyldaǧan deputattarǧa joldaudy ūsyndy, dep habarlaidy "Adyrna" ūlttyq portaly QazTAG-qa sıltep.
Lepeha senat dälızınde söilegen sözınde ortaşa jyldamdyqty asyrǧany üşın jürgızılgen tekserıster turaly aitty.
"Bız araqaşyqtyqty naqty tekserıp, ölşeu jürgızdık. Bır ai ışınde ortaşa jyldamdyqty asyrǧan 585 jaǧdai tırkeldı. Qazırgı uaqytta būl jüie testtık rejimde jūmys ıstep tūr jäne eşqandai aiyppūl salynǧan joq," – dedı ol.Jurnalister qazaqstandyqtardyŋ aiyppūldarǧa bailanysty narazylyqtaryn jetkızgende, Lepeha būl mäselenıŋ tym şielenıskenın aitty.
"Qazırgı künge deiın ortaşa jyldamdyqty asyrǧany üşın eşkım jazaǧa tartylǧan joq. Trassalarda būrynnan jūmys ıstep kele jatqan kameralar momenttık jyldamdyqty ölşeidı. Eger jürgızuşı rūqsat etılgen 140 km/saǧ jyldamdyqtyŋ ornyna 160 km/saǧ jyldamdyqpen jürse, būǧan aiyppūl salynǧan, solai jalǧasa beredı," – dedı vise-ministr.Jurnalister "Ştrafstan" mäselesın alǧaş kötergen deputattardyŋ pıkırın eske salǧanda, Lepeha jauapkerşılık turaly öz pıkırın bıldırdı:
"Deputattarǧa sūraqtaryŋyzdy baǧyttaŋyzdar. Menıŋ oiymşa, zaŋ būzǧan är adam belgılengen tärtıp boiynşa jauapkerşılıkke tartyluy kerek. Eger zaŋda aiyppūl qarastyrylsa, bızdıŋ mındetımız – ony oryndau," – dedı ol.Eske sala ketsek, 4 jeltoqsanda "Aq jol" fraksiiasynyŋ deputaty Azat Peruaşev aiyppūldar turaly zaŋǧa özgerıster engızuge qarsy şyǧyp, "ştrafstan" jaiynda aitqan bolatyn.
Ūqsas jaŋalyqtar
