QR Ishki ister mınıstriniń orynbasary Igor Lepeha "Shtrafstan" máselesine baılanysty suraqtardy bul normalardy qabyldaǵan depýtattarǵa joldaýdy usyndy, dep habarlaıdy "Adyrna" ulttyq portaly QazTAG-qa siltep.
Lepeha senat dálizinde sóılegen sózinde ortasha jyldamdyqty asyrǵany úshin júrgizilgen tekserister týraly aıtty.
"Biz araqashyqtyqty naqty tekserip, ólsheý júrgizdik. Bir aı ishinde ortasha jyldamdyqty asyrǵan 585 jaǵdaı tirkeldi. Qazirgi ýaqytta bul júıe testtik rejımde jumys istep tur jáne eshqandaı aıyppul salynǵan joq," – dedi ol.
Jýrnalıster qazaqstandyqtardyń aıyppuldarǵa baılanysty narazylyqtaryn jetkizgende, Lepeha bul máseleniń tym shıeleniskenin aıtty.
"Qazirgi kúnge deıin ortasha jyldamdyqty asyrǵany úshin eshkim jazaǵa tartylǵan joq. Trassalarda burynnan jumys istep kele jatqan kameralar momenttik jyldamdyqty ólsheıdi. Eger júrgizýshi ruqsat etilgen 140 km/saǵ jyldamdyqtyń ornyna 160 km/saǵ jyldamdyqpen júrse, buǵan aıyppul salynǵan, solaı jalǵasa beredi," – dedi vıe-mınıstr.
Jýrnalıster "Shtrafstan" máselesin alǵash kótergen depýtattardyń pikirin eske salǵanda, Lepeha jaýapkershilik týraly óz pikirin bildirdi:
"Depýtattarǵa suraqtaryńyzdy baǵyttańyzdar. Meniń oıymsha, zań buzǵan ár adam belgilengen tártip boıynsha jaýapkershilikke tartylýy kerek. Eger zańda aıyppul qarastyrylsa, bizdiń mindetimiz – ony oryndaý," – dedi ol.
Eske sala ketsek, 4 jeltoqsanda "Aq jol" frakııasynyń depýtaty Azat Perýashev aıyppuldar týraly zańǵa ózgerister engizýge qarsy shyǵyp, "shtrafstan" jaıynda aıtqan bolatyn.
