Amerıkalyq áskerı kúshter Qyzyl teńizde Iemendik hýsıtterge soqqy bergen kezde ózderiniń joıǵysh ushaǵyn kezdeısoq atyp túsirgenderin aıtty, dep habarlaıdy "Adyrna" ulttyq portaly BBC-ge silteme jasap.
AQSh qolbasshylyǵynyń málimetinshe, F/A-18 Hornet ushaǵy amerıkalyq áskerı kemeden jiberilgen zymyranmen atyp túsirilgen. Ekıpajdyń eki múshesi katapýltpen sekirip, aman qalǵan. Bir ushqysh jeńil jaraqat alǵan.
«USS Harry S Truman avıatasymaldaýshy soqqy tobyndaǵy USS Gettysburg zymyrandyq kreıseri kezdeısoq F/A-18 Hornet ushaǵyna soqqy berip, ony atyp túsirdi. Bul ushaq USS Harry S Truman avıatasymaldaýshysynan ushyp shyqqan edi», – delingen habarlamada.
Oqıǵa amerıkalyq áskerıler Iemenniń astanasy Sanadaǵy zymyran saqtaý nysandary men hýsıtterdiń komandalyq ortalyǵyna birneshe áýe soqqysyn bergennen keıin bolǵan.
AQSh áskerı kúshteriniń aıtýynsha, bul sátte Iran qoldaıtyn Iemendik kóterilisshi hýsıtterdiń birneshe drony men kemege qarsy zymyrandaryn da joıǵan. Degenmen, olar atyp túsirilgen ushaqtyń hýsıtterge qarsy operaııaǵa qatysqan-qatyspaǵanyn naqtylaǵan joq.
Amerıkalyq qolbasshylyqtyń málimdeýinshe, Sanadǵy soqqylar hýsıtterdiń AQSh kemelerine jáne Qyzyl teńizdiń ońtústiginde, Bab-el-Mandeb buǵazy men Aden shyǵanaǵyndaǵy saýda kemelerine shabýylyn boldyrmaýǵa baǵyttalǵan.
Hýsıtter 2023 jyldyń qazan aıynan keıin, HAMAS Izraıl aýmaǵyna shabýyl jasap, Gaz sektorynda palestınalyq topqa qarsy operaııa bastalǵan soń, Izraıl men basqa elderdiń kemelerine zymyrandar men drondar jiberýdi jıiletken.
2023 jyldyń qarashasynan bastap bul shabýyldar Qyzyl teńizde eki kemeniń sýǵa batýyna alyp keldi. Hýsıtter dálelsiz túrde tek Izraıl, AQSh jáne Ulybrıtanııamen baılanysty kemelerdi nysanaǵa alatynyn málimdeıdi.
Hýsıtterdiń áreketterine jaýap retinde AQSh, Ulybrıtanııa jáne taǵy 12 memleket Qyzyl teńizdegi saýda joldaryn qorǵaý operaııasyn bastady. Bul teńiz arqyly mańyzdy saýda marshrýttary ótedi.
Senbi kúni Izraıl áskerı kúshteri Iemennen jiberilgen zymyrandy atyp túsire almaǵandaryn jáne onyń Tel-Avıvtegi saıabaqtardyń birine túskenin málimdedi. Izraıldiń tótenshe jaǵdaı qyzmetteri 16 adamnyń tereze synyqtarynan jeńil jaraqat alǵanyn habarlady. Taǵy 14 adam baspanaǵa tyǵylýǵa tyrysqanda jaraqat alǵan. Hýsıtter ókili bul soqqynyń gıperdybystyq zymyranmen jasalǵanyn málimdedi.
Aptanyń basynda Izraıl hýsıtterdiń nysandaryna birneshe soqqy berip, Sananyń porttary men energetıkalyq ınfraqurylymdaryn joıǵanyn habarlady. Hýsıtterdiń derekteri boıynsha bul soqqylardan toǵyz adam qaza tapqan.
Hýsıtter Gazadaǵy soǵys aıaqtalǵanǵa deıin shabýyldaryn jalǵastyratyndaryn ýáde etýde.
