Basty bet
Jaŋalyqtar
Anasynan aiyrylǧan ekı äiel jedel-järdem qyzmetkerın ūryp-soqqan

Anasynan aiyrylǧan ekı äiel jedel-järdem qyzmetkerın ūryp-soqqan

19.12.2024

2228

https://adyrna.kz/content/uploads/2023/09/zhedel-zhärdem-köligi-960x500.jpg?token=7943968fbba253290797b72ecf880c88

Qostanaida jedel järdem feldşerın ekı äiel ūryp, soqqyǧa jyqqan, dep habarlaidy "Adyrna" ūlttyq portaly alau.kz-ke sıltep.

Änel Baimūrzina şaqyrtu kezınde soqqyǧa jyǧylǧanyn habarlaǧan. Medisina qyzmetkerı qazır auruhanada em alyp jatyr.

Feldşerdıŋ aituynşa, oqiǧa tüngı auysymda bolǧan. Entıgu men jürekke bailanysty şaǧym aitqan tūrǧynnan şaqyrtu tüsken.

"Bız şaqyrtu tüsken mekenjaiǧa keldık. Bızdı bırden agressivtı türde qarsy aldy. Öz jūmysymyzdy bastap, alǧaşqy medisinalyq kömek körsete bastadyq. Bıraq nauqastyŋ qyzdary bızge kedergı jasap, eger bırdeŋe ıstesek, bızdı qarǧaitynyn, türmege otyrǧyzatynyn aityp, qoqan-loqqy körsettı. Keiın nauqastyŋ tynys aluy men jürek soǧysy toqtady, bız reanimasiialyq şaralar jürgıze bastadyq. 30 minut boiy tyrysqanymyzben reanimasiialyq şaradan nätije bolmady. Bız köŋıl aittyq. Sol sätte olar maǧan tap berıp, tepkılep, şaşymnan tartyp, ūra bastady. Ekınşı feldşer men jürgızuşı menı olardan qorǧauǧa tyrysty", - dedı feldşer.


Jedel järdem jürgızuşısı qarsy päterge jügırıp, körşılerden polisiia şaqyrudy ötıngenın habarlady.
"Osy uaqyt aralyǧynda menı şaşymnan tartyp, soqqyǧa jyqty. Keiın körşınıŋ özı kömekke kelıp, menı sol äieldıŋ qolynan qūtqaryp qaldy", - dedı feldşer Änel Baimūrzina.
Feldşerdıŋ aituynşa, onyŋ miy şaiqalyp, samaiynda gematoma paida bolǧan. Sondai-aq türlı jaraqat alǧan. Qyz auruhanaǧa jatqyzylyp, artynşa polisiiaǧa şaǧym tüsırgen.
"Alǧaşqy medisinalyq kömek körsetu kezınde üi ielerı men medisinalyq qyzmetkerler arasynda janjal bolǧany anyqtaldy, sol janjal barysynda 41 jäne 51 jastaǧy äielder feldşerge dene jaraqatyn salǧan", - dep habarlady Qostanai oblysy PD.
Polisiia tergeu bastady, sot-medisinalyq saraptama taǧaiyndaldy.

Ūqsas jaŋalyqtar