Samarqandta 23 jastaǵy belgili ózbek bıýtı-bloger jáne kosmetolog Gýzalıa Mahmatkýlova qaıtys boldy. Boıjetken segizinshi qabattaǵy páterdiń terezesinen qulap ketken, dep habarlaıdy "Adyrna" ulttyq portaly Gazeta.uz-ǵa silteme jasap.
Qaıǵyly oqıǵa 11 jeltoqsannan 12 jeltoqsanǵa qaraǵan túni bolǵan. Oqıǵa ornyna jedel-tergeý toby baryp, tekserý jumystaryn júrgizdi. Kýágerlerden jaýap alynyp, sot-medıınalyq saraptama taǵaıyndaldy.
Aldyn ala málimetter boıynsha, bas prokýratýra bıýtı-bloger óz erkimen terezeden sekirdi dep málimdegen. Alaıda áleýmettik jelilerde onyń kúıeýi men enesiniń tarapynan turmystyq zorlyq-zombylyq kórsetilgeni týraly aqparat taraýda.
Aıta ketsek, marqumnyń qaıyn atasy Samarqandtyń densaýlyq saqtaý salasynda joǵary laýazym ıesi bolǵan.
