«Ádil sóz» sóz bostandyǵyn qorǵaý halyqaralyq qory «Solutions Journalism Lab 2.0» jobasyna ótinim qabyldaý bastalǵanyn habarlaıdy. Bul joba jýrnalısterge, blogerlerge jáne medıasalanyń mamandaryna ózderin zamanaýı jýrnalıstıka janrynda synap kórýge biregeı múmkindik beredi. Atalǵan janr qoǵamdaǵy ózekti máselelerdi kóterip qana qoımaı, sondaı-aq olardyń tıimdi sheshý joldaryn da usynady.
Jobanyń birinshi legine zerthana rezıdentteri bolyp 45 úmitker iriktelmek. Olar kelesideı múmkindikterge ıe bolady:
- Oqytý. Sátti materıaldar shyǵarý úshin rezıdentter vebınarlar serııasy arqyly qajetti bilim alyp, tájirıbeli tálimgerlerdiń jeke qoldaýyna ıe bolady.
- Resýrstarǵa qoljetimdilik. Olarǵa derekqorlarǵa qoljetimdilik pen zańgerlik keńester usynylady.
- Ótemaqy. Jobaǵa qatysýǵa jumsalǵan ýaqyt úshin rezıdentterge materıaldyń kúrdeliligine baılanysty 200 000-nan 1 000 000 teńgege deıin ótemaqy qarastyrylǵan.
Joba óńirlik qazaq tildi jýrnalıster men BAQ qyzmetkerleriniń qatysýyna erekshe nazar aýdarady.
Ótinim qabyldaý merzimi:
Ótinimder 2025 jyldyń 10 qańtaryna deıin qabyldanady.
Aldyńǵy maýsymnyń rezıdentteri de jobaǵa jalpyǵa ortaq ereje negizinde qatysa alady.
Qalaı ótinim berý kerek:
Qatysý úshin jobanyń resmı saıtyna - www.solvefuture.kz ótip, anketany toltyrý qajet.
Qosymsha aqparat úshin baılanys:
El.poshta: info@solvefuture.kz
Tel.nómir: +7 777 400 2210
Sheshim jýrnalıstıkasy arqyly qoǵamda oń ózgeristerdiń bir bóligi bolýǵa múmkindigińizdi jiberip almańyz!
