«Ädıl söz» söz bostandyǧyn qorǧau halyqaralyq qory «Solutions Journalism Lab 2.0» jobasyna ötınım qabyldau bastalǧanyn habarlaidy. Būl joba jurnalisterge, blogerlerge jäne mediasalanyŋ mamandaryna özderın zamanaui jurnalistika janrynda synap köruge bıregei mümkındık beredı. Atalǧan janr qoǧamdaǧy özektı mäselelerdı köterıp qana qoimai, sondai-aq olardyŋ tiımdı şeşu joldaryn da ūsynady.
Jobanyŋ bırınşı legıne zerthana rezidentterı bolyp 45 ümıtker ırıktelmek. Olar kelesıdei mümkındıkterge ie bolady:
- Oqytu. Sättı materialdar şyǧaru üşın rezidentter vebinarlar seriiasy arqyly qajettı bılım alyp, täjıribelı tälımgerlerdıŋ jeke qoldauyna ie bolady.
- Resurstarǧa qoljetımdılık. Olarǧa derekqorlarǧa qoljetımdılık pen zaŋgerlık keŋester ūsynylady.
- Ötemaqy. Jobaǧa qatysuǧa jūmsalǧan uaqyt üşın rezidentterge materialdyŋ kürdelılıgıne bailanysty 200 000-nan 1 000 000 teŋgege deiın ötemaqy qarastyrylǧan.
Joba öŋırlık qazaq tıldı jurnalister men BAQ qyzmetkerlerınıŋ qatysuyna erekşe nazar audarady.
Ötınım qabyldau merzımı: Ötınımder 2025 jyldyŋ 10 qaŋtaryna deiın qabyldanady.
Aldyŋǧy mausymnyŋ rezidentterı de jobaǧa jalpyǧa ortaq ereje negızınde qatysa alady.
Qalai ötınım beru kerek: Qatysu üşın jobanyŋ resmi saityna - www.solvefuture.kz ötıp, anketany toltyru qajet.
Qosymşa aqparat üşın bailanys: El.poşta: info@solvefuture.kz Tel.nömır: +7 777 400 2210
Şeşım jurnalistikasy arqyly qoǧamda oŋ özgerısterdıŋ bır bölıgı boluǧa mümkındıgıŋızdı jıberıp almaŋyz!
