Almatyda Bolat Nazarbaevqa tıesili bolǵan birneshe kompanııa tirkelgen ákimshilik ǵımarat 11 jeltoqsanda aýkıonǵa qoıylmaq, dep habarlaıdy "Adyrna" ulttyq portaly.
Qazir Almaty qalasy Bostandyq aýdanynda Baıtursynov kóshesi 104A mekenjaıyndaǵy ǵımarat "Qaıtarylǵan aktıvterdi basqarý kompanııasy" JShS-na tıesili.
Aınalasy saıabaqpen, kógildir shyrshalarmen jáne 20 kólikke arnalǵan turaqpen qorshalǵan qyzǵylt sary ǵımarat. Satý boıynsha aýkıon 11 jeltoqsanda memlekettik múlik tiziliminiń saıtynda ótetini aıtylǵan.
Bastapqy baǵa – 1 mıllıard 549 mıllıon 542 myń 736 teńge.
Ǵımarat osy jyldyń tamyz aıynda aýkıonǵa qoıylǵan, biraq ony satyp alýshy tabylmady.
