Belgili qazaqstandyq vıolonchelıst Bolat Tynybekov 40 jasyna qaraǵan shaǵynda ómirden ótti. Qaıǵyly habardy óner ıesiniń týystary jetkizdi, dep habarlaıdy «Adyrna» tilshisi.
«Meniń aǵam, belgili vıolonchelıst Bolat Tynybekov qaıtys boldy. Sońǵy kezderi bir-birimizdi sırek kórsek te, onyń talantyna tánti bolyp, shamam kelgenshe qoldap júrgen edim»,—dedi marqumnyń qaryndasy Aıjan Túgelbaeva.
Bolat Tynybekov Qaraǵandy qalasynda 1985 jylǵy 24 shildede dúnıege kelgen. Kúlásh Baıseıitova atyndaǵy daryndy balalarǵa arnalǵan respýblıkalyq orta mamandandyrylǵan mýzykalyq mektebin bitirgen.
"Bolashaq" baǵdarlamasynyń túlegi, Londondaǵy Koroldik mýzyka kolledjinde professor A.Boıarskııdiń synybynda bilim alǵan. Almaty qalasynda mýzykalyq mektepte sabaq berdi.
