Oreshnık dep atalatyn, orystar aldyńǵy kúni Dnepr qalasyn atqylaǵan ballıstıkalyq zymyrannyń qaldyqtaryn ýkraındar terip alyp zerthanalarda zerttep jatyr eken jáne ony basqalar da kórý úshin ınternetke salyp qoıǵan. Sóıtse... jańa qarý túri, analogovnet dep júrgenderi baıaǵy SSSR kezinde jobalanǵan Býlava zymyranynyń kóshirmesi jáne qashyqtyǵy qysqartylǵan varıanty bolyp shyqty, ıaǵnı munysy eshqandaı da jańa qarý emes, baıaǵydan qalǵan eski-qusqy birdeńe eken. Muny Batys professıonaldary birden anyqtap tastapty. Bulary eshqandaı da tejeýshi faktor bola almaıdy (sderjıvaıýıı) deıdi. Eger rasymen de onysy Pýtın aıtqandaı jańa qarý bolsa orys nasıhatshylary qaıta-qaıta jarnamalap qulaqtarymyzdy áldeqashan bitep tastaǵan bolar edi, kezinde áskerı kezekshilikke qoımaı turyp-aq Kınjal, ırkondaryn jer-kókke syıǵyzbaı maqtady, is júzinde olary kádimgi qatardaǵy zymyrandar ǵana bolyp shyqty, bul da sol sııaqty bolar edi deıdi. Endi Pýtınniń sońǵy kóziri ǵana qaldy - strategııalyq kontınentaralyq zymyrandar. Biraq muny tek bir-aq ret qoldanýǵa bolady, sol boıda ózi de joq bolyp ketedi. Al ondaıǵa eshkim de barǵysy kelmeıdi, sondyqtan Pýtındi óz aınalasy-aq joq qylýy múmkin deıdi. Muny AQSh prezıdentiniń eks-keńesshisi, belgili saıasatker Jon Bolton da aıtyp tastapty: árıne, Pýtınniń qorqytýlaryna serezno qaraý kerek, biraq shantajyna erip ketýge bolmaıdy depti. Eskalaııa bolmaı ma degen suraqqa ol: ondaı eskalaııa jasaıtyndaı armııa qaıda depti. Iaǵnı RF armııasy bitti degeni. Ol taǵy da: jalpy amerıkandyqtar eshqashan da ıadrolyq qarýdy birinshi bolyp qoldanbaımyz dep eshkimge de ýáde bergen joq depti. Iaǵnı qajet bolsa olardan buryn qımyldaımyz degeni. Jalpy ıadrolyq soǵys bolǵan jaǵdaıda da oǵan qarsy Batystyń óz josparlary bar. Sońǵy jaǵdaıǵa baılanysty ol josparyna korrektırovka da jasap tastapty.
RF jaǵy Baıden ruqsat beredi dep kútpepti. Iadrolyq qarýdan qorqady dep ózderine sondaı senimdi bolǵan. Endi sasyp qalyp jatqanǵa uqsaıdy. Ýkraındar da osyny paıdalanyp, tehnıkalaryn jasyryp úlgermeı turǵanda tezdetip qurtyp qalý úshin joıylýǵa tıis obektilerdiń kartasyn jasapty (keıin osynda kommentarııge salarmyn). Árıne, eń birinshi kezekte Rostov oblysy tur. Munda tórt áskerı áýejaı bar eken. Soldattaryn RF-dan osynda alyp keledi de, ári qaraı avtobýstarmen ýkraın jerlerine tasymaldaıtyn kórinedi. Endi bir-eki kúnde osy áýejaılardyń kókke ushqanyn da kórip qalýymyz múmkin. Sondaı-aq orystardyń óz tehnıkalary men adamdaryn alysyraq áketkeni de tıimdi, óıtkeni maıdanǵa deıingi qashyqtyq uzarady, olardy tez jetkizý qıyndaıdy, t.s.s.
Osymen úshinshi ret RF túkpirine batys qarýyn qoldanýy ýkraındardyń da, batystyń da Pýtınniń bopsasynan eshkim de qorqyp otyrmaǵanyn kórsetedi.
Qýanysh Edilhanov
