Elımızde kölık jolaqtaryn taryltu josparlanuda

Qazaqstanda avtomobil jolaǧynyŋ enı özgeruı mümkın. Būl turaly Kölık ministrı Marat Qarabaev Almaty tūrǧyndarymen bolǧan kezdesude mälımdedı, dep habarlaidy «Adyrna» tılşısı. Aituynşa, halyq velojolaqtardyŋ köp bolǧanyn qalaidy. «Alaida mynadai mäsele tuyndaidy Bızdıŋ ūsynysymyzǧa säikes joldyŋ enı 3.5 metr boluy kerek. Halyqaralyq täjıribe boiynşa jolaq enın 2.9 metrge deiın qysqartyp, qalǧan 0.6 metrdı velojolaqqa qaldyru mäselesı köterıldı. Iаǧni, standartty özgertu kerek. Qazır jūmys jürıp jatyr, bız halyqaralyq täjıribenı zerdeledık, onyŋ tiımdı ekenıne közımız jettı. Būl ūsynyspen kelısıp, jaqynda memlekettık standartqa özgerıs engızemız»,—dedı ol. Ministr jolaqtardyŋ enın qysqartsa, jaqynda ıske qosylatyn avtobus jolaǧyna da, basqa kölıkterge de oryn qalatynyn atap öttı. «Bızdıŋ oiymyz jüzege assa, qozǧalys retteletın bolady. Qazır Almatyda osy mümkındık pilottyq rejimde tekserısten ötıp jatyr. Eksperiment jyl aiaǧynda bıtedı. Nätijege qarap, tübegeilı şeşım qabyldaimyz»,—dep tüsındırdı Marat Qarabaev.