Qaraly jeksenbı. Astanadaǧy örtten 4 bala qaza tapty

Bügın taŋerteŋ Astanada ekı qabatty jeke tūrǧyn üi örtenıp, 2 men 13 jas aralyǧyndaǧy tört bala qaitys boldy, dep habarlaidy "Adyrna" ūlttyq portaly. Qaza tapqan balalar 2011, 2015, 2021 jäne 2022 jyly tuǧan. "Qūtqaruşylar habarlama kelıp tüskennen keiın 6 minutta jetıp, aşyq örttı baiqaǧan. Ört aldyn ala 500 ş.m. alaŋda oqşaulanyp, tolyǧymen söndırıldı", - dep habarlady TJM Örttıŋ sebebı anyqtaluda. Sot-medisinalyq saraptama taǧaiyndaldy. Oqiǧa ornynda ört zertteu zerthanasy jūmys ısteude, qaza tapqandardyŋ jaqyndaryna Apattar medisinasy ortalyǧynyŋ jäne Astana qalasy TJD psihologtary kömek körsetude. Astana äkımdıgınıŋ mälımetınşe, örtengen jeke üide ekı otbasy tūrǧan. Balalar qaitys bolǧan otbasyǧa materialdyq, tūrǧyn üi jäne basqa da qajettı kömek körsetıletını aityldy. Ekınşı otbasynda zardap şekkender joq. Olar uaqytşa tūrǧyn üige ornalastyryldy.