Búgin tańerteń Astanada eki qabatty jeke turǵyn úı órtenip, 2 men 13 jas aralyǵyndaǵy tórt bala qaıtys boldy, dep habarlaıdy "Adyrna" ulttyq portaly.
Qaza tapqan balalar 2011, 2015, 2021 jáne 2022 jyly týǵan.
"Qutqarýshylar habarlama kelip túskennen keıin 6 mınýtta jetip, ashyq órtti baıqaǵan. Órt aldyn ala 500 sh.m. alańda oqshaýlanyp, tolyǵymen sóndirildi", - dep habarlady TJM
Órttiń sebebi anyqtalýda. Sot-medıınalyq saraptama taǵaıyndaldy. Oqıǵa ornynda órt zertteý zerthanasy jumys isteýde, qaza tapqandardyń jaqyndaryna Apattar medıınasy ortalyǵynyń jáne Astana qalasy TJD psıhologtary kómek kórsetýde.
Astana ákimdiginiń málimetinshe, órtengen jeke úıde eki otbasy turǵan. Balalar qaıtys bolǵan otbasyǵa materıaldyq, turǵyn úı jáne basqa da qajetti kómek kórsetiletini aıtyldy.
Ekinshi otbasynda zardap shekkender joq. Olar ýaqytsha turǵyn úıge ornalastyryldy.
