Eldegi elektr energııasyn tutyný halyqtyń kúndelikti ómir tirshiligimen tikeleı baılanysty. Eń joǵary júktemeler tańerteńgi jáne keshki saǵattarda, turmystyq tutyný deńgeıiniń jandaný kezinde bolady.
Buǵan deıin júrgizilgen ýaqytty bir saǵatqa artqa aýystyrý elektr júıesiniń jumysynda eshqandaı úzilis nemese tutynýshylarǵa shekteýler týdyrmady. Eń joǵary júktemeler sol deńgeıde qaldy, jalǵyz ózgeris keshki eń joǵary tutynýdyń erterek bastalýy boldy. Degenmen, bul ósim tańerteń tutynýdyń tómendeýimen óteledi.
2023 jáne 2024 jylǵy qańtar-qyrkúıektegi málimetterdi taldaý elektr energııasyn tutynýdyń 4%-ǵa turaqty ósýin kórsetedi. Bul ósim ýaqyt beldeýleriniń ózgerýine baılanysty emes, halyqtyń jáne jalpy el ekonomıkasynyń tutynýynyń tabıǵı ósýine baılanysty.
Mysaly, ákimshilik ýaqyt bir saǵatqa artqa jyljytylmaǵan EES Batys aımaǵynda tutyný ótken jyldyń sáıkes kezeńimen salystyrǵanda 10,4%-ǵa ósti.
Sonymen qatar, elektr energııasynyń biryńǵaı satyp alýshy mehanızmi engizilgennen keıin kórshiles elderden elektr energııasynyń ımporty ósti, óıtkeni eń joǵary saǵattarda tapshylyqty jabý úshin kórshi elderden elektr energııasynyń josparly aǵyndaryn uıymdastyrýǵa jáne elektr energııasyn tasymaldaýǵa múmkindik berdi. Josparlanǵan kezeńderge sáıkes respýblıkadaǵy barlyq iri elektr stanııalaryna kúrdeli jóndeý jumystaryn júrgizý qajet.
QR Energetıka mınıstrliginiń baspasóz ortalyǵy
