Abaı oblysynda aýyl sharýashylyǵyn damytýǵa baǵyttalǵan ınvestıııalyq jobalar óńir ekonomıkasyna serpin berip, jergilikti turǵyndar úshin jańa jumys oryndaryn ashýǵa múmkindik jasaldy.
Naqtyraq aıtsaq, ótken jyly agroónerkásiptik keshen salasyndaǵy jobalarǵa nesıe berý baǵdarlamasy aıasynda 2 sútti-taýarly fermasyn qoldaý maqsatynda 2 mlrd teńge eki sút fermasyn ıaǵnı, «Qalıhanuly» sharýa qojalyǵy men «Órnek» JShS-ne keńeıtýge bólindi. Sharýalar berilgen ınvestıııaǵa sımmental jáne golshtıno-frız tuqymynan 601 asyl tuqymdy sıyr satyp aldy.
Óńir turǵyndaryna tanymal Besqaraǵaı aýdanyndaǵy «Qalıhanuly» sharýa qojalyǵy Reseı Federaııasy men Chehııa, Avstrııa men Germanııa memleketterinen jalpy sany 252 bas asyl tuqymdy iri qara mal satyp aldy. Al Kókpekti aýdanyndaǵy «Órnek» JShS Germanııadan Sımmental tuqymdy jalpy sany 349 bas 18 aılyq qunajyndar ákeldi. Jobalardyń iske qosylýymen 2025 jyldan bastap sút óndirisi jylyna 2 400 tonnaǵa artpaq.
Sondaı-aq, sharýashylyqtardyń óndiristik qýatyn arttyrý úshin qazirgi zamanǵy tehnıka jáne jabdyqtarmen qamtamasyz etildi.
Mysaly, «Qalıhanuly» sharýa qojalyǵy zamanaýı astyq tasýshy samosval, 6135V markaly traktor, John Deere 7250 markaly jemshóp jınaıtyn kombaın jáne kóptegen basqa da qajetti tehnıkalarǵa qol jetkizdi. Al «Órnek» JShS traktorlar men astyq jınaıtyn kombaındarmen qatar mal sharýashylyǵyna qajetti kóptegen jabdyqty satyp aldy.
Aıta ketelik, Marat Qalyqov basqaratyn «Qalıhanuly» sharýa qojalyǵy «Aısha» saýda belgisimen tanymal bolǵan sút ehy búginde 17 túrli sút ónimderin shyǵaryp, jergilikti naryqta suranysqa ıe. Qalyqov kásipti 90-jyldardaǵy daǵdarys kezeńinde bastap, qazirde myńǵa jýyq iri qara mal jáne jylqy, túıe ósirýde.
– Investıııalardyń arqasynda óndirisimizdiń qýaty 9 tonnaǵa deıin ósti. Jańa tehnıka men tehnologııalar engizilip, qazir 170 adam jumyspen qamtylǵan, – deıdi Marat Qalyqov.
Atalǵan sharýalar aldaǵy ýaqytta mal basyn kóbeıtý maqsatynda qosymsha qora-jaılar salyp, sút ónimin arttyrýdy, sondaı-aq halyqty tabıǵı jáne sapaly sút ónimimen qamtý josparlaryn júzege asyrmaq.
