2 qarashada Saýd Arabııasynyń soltústigindegi ál-Djaýf aımaǵynda burshaq aralas qar jaýdy, dep habarlaıdy «Adyrna» tilshisi Khaleej Times-ke silteme jasap.
Ulttyq meteorologııalyq ortalyq eldiń soltústik bóligindegi osyndaı kún raıy dúısenbige deıin saqtalatynyn málimdedi. Aıtýlarynsha, bul erekshe tabıǵı qubylys óńirdegi lavanda, hrızantema jáne basqa da hosh ıisti ósimdikterdiń jaıqala gúldeýine sep bolýy múmkin.
Sondaı-aq sınoptıkter aldaǵy kúnderi ál-Djaýftyń kóptegen aýdanynda naızaǵaı bolýy múmkin ekenin eskertti.
Aıta keteıik, bul óńirde aýa temperatýrasynyń kúrt tómendeýi sırek kezdesetindikten, kúzgi qar jergilikti turǵyndar úshin kútpegen jaǵdaı boldy.
