QR Konstıtýııasy kúnine oraı Jambyl oblysy ákimi Asqar Myrzahmetov Jambyl aýdanynyń ortalyǵy Asa aýylynda 18 otbasyna páter kiltin tapsyrdy, dep habarlaıdy adyrna.kz ulttyq portaly oblys ákiminiń baspasóz qyzmetine silteme jasap.
Aımaq basshysy Asqar Isabekuly Asa aýylyndaǵy kópbalaly jáne tolyq emes otbasylarǵa arendalyq negizde páter kiltterin saltanatty túrde tabys etti. Joba quny – 146,9 mln. teńge. bolatyn «Báıterek» yqsham aýdanyndaǵy jańa páterlerdi «Bınom» JShS-i júrgizgen. Atalǵan qarjy aýdandyq bıýdjetten qarastyrylǵanyn aıtyp ótken jón
Sý jańa páterge qol jetkizgen 18 otbasynyń biri Jaınar Spatova. Ol óziniń otbasynyń kóp jyldan beri páterge qol jetkize almaı júrgenin aıtady.
– Elimizdegi eń ózekti máseleniń biri turǵyn-úı máselesi ekeni kópshilikke belgili. Sondyqtan da men tap búgin bul másele sheshilip, páter kiltin alamyn dep oılamadym. Áıtse de búgin Allanyń qalaýymen kópten kútken páterime ıe bolyp otyrmyn. Sol sebepti oblys ákimi Asqar Myrzahmetovke alǵysymdy bildiremin, – deıdi ol.
Aıta keteıik, oblys boıynsha kópbalaly otbasylaryn turǵyn úımen qamtamasyz etý máselesin sheshý úshin aǵymdaǵy jyldyń birinshi jarty jyldyǵynda 120 kópbalaly otbasyǵa páter kilti tabystaldy. Onyń 93-i arendalyq úı, 27-i demeýshiler esebinen. Jyl sońyna deıin 493 kópbalaly otbasyn turǵyn úımen qamtamasyz etý josparlanǵan bolatyn. Sondaı-aq, turǵyn úı kezegi kelgenge deıin kópbalaly otbasylardyń turǵyn úı máselesin ýaqytsha sheshý úshin 612 páterli 12 jataqhana qurylysyna tıisti qarajat qarastyrylyp, jyl sońyna deıin paıdalanýǵa beriledi dep kútilýde.
Sonymen qatar, «Nurly jer» baǵdarlamasy aıasynda aǵymdaǵy jyly jalpy 17,6 mlrd. teńgege barlyǵy 30 kópqabatty (2 118 páterli) turǵyn úıdiń qurylysy júrgizilip, jyl sońyna deıin 28 kópqabatty (1988 páterli) turǵyn úılerdi paıdalanýǵa berý josparlanýda.
Jalpy, buǵan deıin habarlaǵanymyzdaı Konstıtýııa jáne Bilim kúni merekelerine oraı oblys boıynsha 800-ge jýyq páterdi quraıtyn 11 kópqabatty turǵyn úı paıdalanýǵa berildi. Onyń 9-y Taraz qalasynda, 2-i Jambyl Jáne Talas aýdandaryna tıesili.
Elbasy Nursultan Nazarbaevtyń bes áleýmettik bastamasynyń birinshi bastamasynda halyqty turǵyn-úımen qamtý máselesine erekshe kóńil bólingen. Bul áleýmettik bastama elimizde turǵyn-úı qurylysyn damytýǵa zor serpin berip otyr.
«ADYRNA»
ulttyq portaly
