26 jyl boıy Voleıbol federaııasyn basqarǵan Nursultan Nazarbaevtyń serigi, UQK burynǵy tóraǵasy Nurtaı Ábiqaev qyzmetinen ketti. Endi bul mindetti Qarjy mınıstri Mádı Taqıev atqarady, dep habarlaıdy «Adyrna» tilshisi.
27 qazanda Almatyda ótken federaııanyń qorytyndy esep berý konferenııasynda uıymnyń jańa prezıdenti tanystyryldy. Mádı Taqıev delegattarǵa senim bildirgeni úshin rızashylyǵyn jetkizip, Nurtaı Ábiqaevqa federaııanyń qurmetti prezıdenti bolyp, QVF qamqorshylyq keńesin basqarýdy usyndy.
«Qurmetti dostar, áriptester, meımandar, voleıbol qoǵamynyń ókilderi! Federaııany basqarý mindetin jańa jetekshilerge ótkizý ýaqyty keldi. Biz 30 jyldyq joldy artqa tastap, voleıbol elimizdegi olımpıadalyq sport túrleri arasynda kóshbasshy ekenin maqtan tutamyz. 2028 jylǵa qaraı otandyq voleıbol 100 jyldyǵyn atap ótedi. Osy ýaqytta Federaııa jańa jeńister men jetistikterdi tirkeıdi dep úmittenemin. Biz qol jetkizgen jetistikterimiz tarıhta máńgi qalady, al jańa jetekshiliktiń mindeti – ony odan ári arttyrý»,–dedi Nurtaı Ábiqaev.
Aıta keteıik, Mádı Taqıev federaııany 2024-2028 jyldar aralyǵynda basqarady.
