Atyraý qalasynyń turǵyny, 23 jastaǵy Iana Legkodımova 2024 jyldyń 18 qazanynda úıinen shyǵyp ketip, joǵalyp ketken. Polıeıler qyzdy óltirip, ózenge laqtyryp ketkenin anyqtady, dep habarlaıdy «Adyrna» ulttyq portaly.
Atyraý oblystyq polıııa departamentiniń baspasóz qyzmetiniń aıtýynsha, atalǵan fakti boıynsha QR Qylmystyq kodeksiniń «Adam urlaý» jáne «Adam óltirý» baptary boıynsha qylmystyq is qozǵalǵan. Qyzdyń denesi áli tabylǵan joq.
«Keshendi tergeý sharalary bastaldy. 24 jáne 25 jastaǵy eki kúdikti ustalyp, ýaqytsha ustaý ızolıatoryna qamaldy. Jedel izdestirý jumystary barysynda kúdiktiler tunshyqtyryp óltirip, qyzdyń denesin Mahambet aýdany Taldykól aýylyndaǵy Jaıyq ózenine laqtyryp jibergeni anyqtaldy. Ony Atyraý oblysy TJD súńgýirlerimen birlesip izdeýde. Ózge aqparat tergeý múddesi úshin jarııa etilmeıdi», - dep habarlady Atyraý oblysynyń baspasóz qyzmeti.
