19 qazan – qūtqaruşylar künı

Bügın Qazaqstanda  qūtqaruşylar künı atap ötıledı, dep habarlaidy «Adyrna» ūlttyq portaly. Elımızde qūtqaruşylar künı resmi türde 2008 jyldan bastap toilanady. Būl künnıŋ taŋdalu sebebı, osydan tura 29 jyl būryn Tötenşe jaǧdailar jönındegı memlekettık komitet qūryldy. Agenttıktıŋ qyzmetı tötenşe jaǧdailardyŋ aldyn aluǧa, sondai-aq olardyŋ zardaptaryn joiuǧa baǧyttalǧan. Mereke elımızdıŋ azamattyq qorǧanys, ört söndıru jäne suda qūtqaru qyzmetterınıŋ qyzmetkerlerıne arnalǧan. Olardyŋ ärqaisysynyŋ jūmysy joǧary käsıpqoilyqty, jauapkerşılık pen adaldyqty talap etedı. Adam ömırın qūtqaru – qūrmet pen alǧysqa laiyq qauıptı, bıraq asyl erlık.