Sonymen elde eki jyl boıy AES-ti salý-salmaý týraly eles bolyp kezgen, dý-dý áńgimeniń basy anyqtaldy. Keshegi referendýmda daýys berýshiniń 71,12% qoldady. Aldyna ala qorytyndynyń nátıjesi osy. Ózimniń boljamym budan on paıyzǵa tómenirek dep oılaǵam. Biraq, Prezıdenttiń árbir keleli halyqtyq jıynda, Joldaýlarda, kezdesýlerdegi dóp sózderi, odan qaldy qoǵamdyq nasıhattyq baǵyt jumystary bir jarym jylda anaǵurlym kórsetkishke ákeldi. Keshe ǵana bir taksı júrgizýshiniń ábden ıýtýb pen tık-toktan nebir ınfosyǵannyń birjaqty sózderinen dálelsiz túıgen oılaryn, AES-ń salynýy óte mańyzdy dep kóndirgen edim. Aqyry meni tastap saılaý ýchaskesine bir-aq tartyp ketkeni bar. Budan bylaısha aıtqanda, kóp jurtqa durys qarapaıym túsindirmeniń qajettigi kórinedi.
Negizi AES-ti salýǵa óz ortamda biraz qoldaý bar, bálkim, oqyp, taldaı alatyn orta bolǵandyqtan shyǵar.
AES-ke degen kúdik pen úreıdiń seıilgeni bar. Mamandardyń aldyńǵy qatarǵa shyqqanyn kórýge bolady. Áıtpese, kim kóringeni aestanýshy bolyp bara jatqan edi...
Referendýmǵa deıin elde túrli qoǵamdyq taldaýlar, ǵylymı ortalarda qyzý talqylar ótti. Árıne, qarsy shyǵýshy tarap ta boldy. Olar Chernobyldi, Semeıdi aıtty, biraq balyq pen taýyqty salystyrǵandaı mysaldary aqylǵa qonbady. Shamasy atom bombasy men atom energetıkasyn soǵan qarǵanda áli de bilmegeni ǵoı.
Sońǵy otyz jylda tehnologııa men ǵylym kóz jetkizbesteı jyljýda. Qazirgi AES-ter tabıǵat apattary bolsyn, bolmasyn, bárine daıyn. Bir japonnyń qalasynda 19 AES bar. Al endi kúnde jersilkinisi ótetin Japonııa, AES-ti salýdan bas tartpaı salýyn kúsheıtýde. Óıtkeni, zamanaýı AES bir emes birneshe saqtandyrý júıesimen jabdyqtalady. Keshegi Prezıdenttiń sózderi de osyǵan dálel. Otandyq AES halyqaralyq konsorıým arqyly birneshe damyǵan eldiń tehnologııasymen salynbaq.
Sonymen, AES salyp jatqan 20 eldiń ishine bizde kiretin boldyq. Aıtqandaı, memleket jańa ǵasyrdyń iri ambıııalyq jobasyn bastaıdy. Bul keleshek urpaqtyń ıgiligi.
Qara kómirdiń tútinine ýlanbaı, energııany qyrýar qarjyǵa shetelden satyp almaı, qalaı bolǵanda da ózimizdiń AES-mizge qol jetkizemiz, buıyrsa.
Qazaqstan halqynyń 71,12% osy damýdy qoldady. Qutty bolsyn!
Maqsat Jaqaý
