Batys Qazaqstan oblysy boıynsha Saýda jáne tutynýshylardyń quqyqtaryn qorǵaý Departamenti aǵymdaǵy jyl basynan beri kásipkerlik sýbektilerine jospardan tys 10 tekserý júrgizgen. Júrgizilgen tekserýlerdiń nátıjeleri boıynsha kásipkerlik sýbektileri 9 jaǵdaıda eskertý túrinde ákimshilik jaýapkershilikke tartylsa, bir tekserýdiń nátıjesi boıynsha aıyppul salynǵan.
Bul týraly Batys Qazaqstan oblysynyń saýda jáne tutynýshylardyń quqyqtaryn qorǵaý departamentiniń basshysy Elmıra Kımatova aıtyp berdi.
Departament basshysy Elmıra Nurqyzynyń málimetinshe, Batys Qazaqstan oblysy boıynsha Saýda jáne tutynýshylardyń quqyqtaryn qorǵaý departamentine jyl basynan beri 434 jazbasha ótinish kelip túsken.
Osy sannan 97 ótinish quzyreti sheginde qaraý úshin ózge memlekettik organdarǵa jiberilgen, ótinish berýshiler 24 ótinishti keri qaıtaryp alǵan. Qalǵan 313 ótinishti memlekettik organ óz quzyreti sheginde qarady. Sondaı-aq, aǵymdaǵy jyly Departamentke 193 azamat konsýltatıvtik kómek alý úshin júgingen.
Joǵaryda atalǵan kezeńde Departamentke «qaýyrt jeli» telefony boıynsha 257 ótinish kelip túsken. Ótinish bildirgenderdiń barlyǵyna konsýltaııalyq kómek kórsetilgen.
Departament zańnamaǵa sáıkes bıznes sýbektilerine tutynýshylardyń quqyqtaryn buzý faktileri boıynsha jospardan tys tekserýler júrgizýge quqyly. Memlekettik organ ótkizilgen tekserýlerdiń nátıjeleri boıynsha «Ákimshilik quqyq buzýshylyq týraly» QR Kodeksiniń 190-babynyń 5-bóligi, 6-bóligi, 193-baby 1-bóligi boıynsha satýshylardy ákimshilik jaýaptylyqqa tartýǵa quqyly.
Departament júrgizgen barlyq jumystardyń nátıjeleri boıynsha tutynýshylarǵa sapasyz taýar úshin, zańnamada belgilengen 14 kún merzimde sapaly taýar úshin aqshalaı qarajatty qaıtarýǵa, sapasyz kórsetilgen qyzmet úshin aqshalaı qarajatty qaıtarýǵa járdem kórsetti. Tutynýshylarǵa aqshalaı qarajatty qaıtarýdyń jalpy somasy 57 mln 410 myń teńgeni qurady.
Departament zańnamaǵa sáıkes sot proesterinde talapker bolýǵa jáne talap aryzdardy sotqa jiberýge quqyly. Osy oraıda Elmıra Nurqyzy birneshe proesterge toqtalyp ótti.
– Departament sot proesine Ý. tutynýshynyń avtokólik quraldaryn satýmen aınalysatyn seriktestikke talaby boıynsha úshinshi tulǵa retinde qatysty. Talap aryzǵa sáıkes Ý. jaýapkerden kólik satyp aldy. Avtokólikti paıdalaný barysynda tutynýshy kelesi aqaýlardy anyqtaıdy: kólikte júrgizýshiniń aldyńǵy áınegi qozǵalys kezinde qysta qatyp qalady, bul kórinýdi shekteıdi, sý artqy sol jaq áınekten keledi, tejegishti basqan kezde avtomatty qoraptan jaryqshaq shyǵady. Joǵaryda atalǵan aqaýlardyń kepildik merzimi aıasynda oryn alýyna baılanysty tutynýshy satýshyǵa narazylyq jiberdi, biraq taraptar arasyndaǵy máseleni sheshýge narazylyqty jiberý nátıje bermedi. Osyǵan baılanysty tutynýshy Departamentke, sodan keıin satýshyǵa qatysty sotqa talap aryzben júgindi.
Sot talqylaýy barysynda satýshymen birge sot talqylaýyna avtomobıl óndirýshisiniń ókilderi tartyldy. Sot proesinde óndirýshiniń ókilderi talapkerdiń talap aryzynda kórsetilgen aqaýlar zaýyttyq aqaý ekenin rastady. Tutynýshy taýardyń kemshilikterin anyqtaǵan jáne ony aýystyrý týraly talap qoıǵan jaǵdaıda tutynýshylardyń quqyqtaryn qorǵaý týraly zańnamanyń normalaryna sáıkes satýshy taýardy dereý aýystyrýǵa, al qajet bolǵan jaǵdaıda taýardyń sapasyn satýshyǵa tıisti talap qoıylǵan sátten bastap kúntizbelik otyz kún ishinde qosymsha tekserý júrgizýge mindetti, – deıdi sala basshysy.
Nátıjesinde, tutynýshynyń talap-aryzy boıynsha azamattyq isti qaraý qorytyndysy boıynsha sot talapkerdiń paıdasyna mynadaı mólsherde aqsha somasyn óndirip alý týraly sheshim shyǵarǵan. 7 100 000 teńge – avtokóliktiń quny, 71 000 teńge-turaqsyzdyq aıybynyń somasy.
Sondaı-aq, Departament talapker avtokólik satyp alýshy bolǵan kezde osyǵan uqsas proeske qatysqan. Sheshimge sáıkes sot jaýapkerden ózge shyǵystardan basqa avtokóliktin qunyn 17 mln 210 teńge kóleminde óndirip alý týraly sheshim shyǵarypty.
Sondaı-aq talapkerler jaýapkerden arbıtrajdy oqytý boıynsha tálimgerlik kýrsyn satyp alǵan. Osy kýrsqa sáıkes Talapkerlerdi aqsha tabýǵa, valıýtany onlaın rejıminde aıyrbastaýǵa úıretý kerek bolady. Oqytý oflaın rejımde ótken. Alaıda, talapkerler bul kýrsqa qanaǵattanbaı, jaýapkerden aqshany qaıtarýdy suraıdy.
Azamattyq isti qaraý barysynda oqý aıaqtalǵannan keıin attestattaý júrgizilmegeni, sertıfıkat berilmegeni anyqtalǵan. Jaýapkerdiń aıtýynsha, sertıfıkat aǵymdaǵy jyldyń maýsym aıynyń basynda jiberilgen, sonymen birge tutynýshylar sertıfıkattaryn almaǵan. Zańnama normalaryna sáıkes oryndaýshy tapsyrys berýshiniń aldynda sharttyq mindettemelerdi tıisinshe oryndaǵany úshin jaýapty bolady.
Azamattyq isti qaraý nátıjeleri boıynsha sot azamattardyń talap aryzyn qanaǵattandyrý jáne jaýapkerden árbir talapkerdiń paıdasyna óndirip alý týraly sheshim qabyldap, 390 000 teńge mólsherindegi soma – oqý kýrsynyń quny, ókilge kómek tóleý boıynsha shyǵystar 39 000 teńge tólengen.
Káýsar BAIǴALIEVA
