Búginde AES salýdy qoldaý jónindegi Halyqtyq shtab músheleri referendýmda belsendi daýys berýde. Osylaısha, alty saıası partııanyń jetekshileri – Shtab músheleri óz daýysyn berdi.
Májilis Spıkeri, «AMANAT» partııasynyń Tóraǵasy Erlan Qoshanov «Qazaqstan temir joly» ulttyq kompanııasy» akıonerlik qoǵamynyń ǵımaratynda ornalasqan №163 saılaý ýchaskesinde daýys berdi.
«Búgin – bizdiń memleketimiz úshin óte mańyzdy kún. Elimizdiń bolashaǵyna qatysty úlken sheshim qabyldanýda. Eń bastysy, bul sheshimdi halyq qabyldap jatyr. Buǵan deıin biz Konstıtýııalyq reforma qabyldadyq. Onyń basty maqsaty – ár adamnyń memlekettiń saıası ómirine erkin qatysýyn qamtamasyz etý. Búgin biz sonyń naqty iske asqanyn kórip otyrmyz. Barlyq aımaqtaǵy azamattarymyz óz daýsyn berip jatyr. Óńirlerden kelip jatqan aqparattarǵa qaraǵanda, belsendilik óte joǵary. Halyq memleketimizdiń bolashaǵy úshin durys tańdaý jasaıdy dep oılaımyn», – dedi jýrnalısterdiń suraǵyna jaýap bergen Erlan Qoshanov.
Sondaı-aq, AES qurylysy boıynsha jalpyrespýblıkalyq referendýmda Qazaqstan Halyq partııasynyń tóraǵasy Ermuhamet Ertisbaev Astanadaǵy M. Ótemisov atyndaǵy Oqýshylar saraıynda ornalasqan elordalyq ýchaskede daýys berdi.
«Bul referendým – Qazaqstan úshin ǵana emes, búkil postkeńestik elder úshin de óte mańyzdy oqıǵa. Halqymyzǵa eldegi atom energetıkasy sııaqty strategııalyq salanyń ary qaraıǵy damý jolyn ózderi sheshim qabyldaı otyryp aıqyndaýǵa biregeı quqyq berildi», – dedi ol.
Osy kúni «Aq jol» demokratııalyq partııasynyń kóshbasshysy, Májilis depýtaty Azat Perýashev Astana qalasyndaǵy №66 mektep ǵımaratynda ornalasqan №165 saılaý ýchaskesinde daýys berdi.
«Qazaqstandyqtardy energetıkamyz ben tutas ekonomıkamyzdyń bolashaǵyna qatysty mundaı mańyzdy oqıǵamen quttyqtaımyn: damyǵan eldermen birge tehnologııalyq jáne progressshil keleshekke qatar baramyz ba, joq, álde, tas-kómir dáýirinde qalamyz ba; bul tańdaýdy Qazaqstan halqynyń ózi jasaıdy», – dedi ol.
Osy ýchaskede «Respublica» partııasynyń tóraǵasy, Májilis depýtaty Aıdarbek Qojanazarov ta daýys berdi.
«Meniń oıymsha búgin – elimiz úshin óte mańyzdy kún. Sebebi biz ekonomıkalyq baǵytta, Táýelsizdik baǵytynda úlken tańdaý jasaımyz. Memleket basshysy ár qazaqstandyqtyń pikirin eskerý úshin AES salý máselesin referendýmǵa shyǵardy», – dedi ol.
Sondaı-aq, jalpyrespýblıkalyq plebısıtke «BAYTAQ» jasyldar partııasynyń tóraǵasy Azamathan Ámirtaev ta qatysty. Ol №92 mektep-lıeıinde ornalasqan №53 saılaý ýchaskesinde daýys berdi.
«El erteńine áser etetin sheshimge úles qosyp, daýys berý – azamattyq boryshym», – dedi ol.
Al «Aýyl» partııasynyń tóraǵasy, Májilis depýtaty Serik Egizbaev partııalastarymen birge Kókshetaý qalasyndaǵy №22 saılaý ýchaskesinde daýys berdi.
