Qazaqstannyń Halyq ártisi, Qazaq KSR eńbek sińirgen mádenıet qyzmetkeri, kompozıtor jáne ánshi Altynbek Qorazbaev Qazaqstanda atom elektr stanııasyn (AES) salý máselesi boıynsha referendýmǵa qatysty.
Óner maıtalmany №202 mektep-gımnazııasynda ornalasqan № 211 ýchaskesine keldi. Altynbek Qorazbaev referendýmnyń mańyzdylyǵyna erekshe toqtaldy.
"Búgin árbir daýys mańyzdy. Biz osy referendým nátıjesi arqyly halyqtyń kóńil-kúıin, senimin, úmitin, qoǵamymyzdyń damý jolyndaǵy kózqarasyn bile alamyz. Sondyqtan barshańyzdy durys sheshim qabyldaýǵa shaqyramyn", - dedi Altynbek Qorazbaev.
Esterińizge sala keteıik, búgin respýblıkalyq referendým ótýde. Almaty turǵyndary turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.