Senator TikTok äleumettık jelısın būǧattau qajet dep sanaitynyn mälımdedı, dep habarlaidy "Adyrna" ūlttyq portaly.
Senator Gennadii Şipovskih premer-ministr Oljas Bektenovke joldaǧan deputattyq saualynda TikTok-ty būǧattau kerek dep sanaitynyn jetkızdı.
"TikTok äleumettık jelısı älemnıŋ tükpır-tükpırınde ülken tanymaldylyqqa ie. Elımızde de būl jelını qoldanuşylar sany artpasa, kemıp jatqan joq. Körşı elge tiesılı būl platformany keŋ kreativtı janrda jasöspırımderdı käsıpke, bılımge, el tarihyna qyzyqtyruǧa paidalanyp ta jür. Bıraq ondai kontent sany özge kontentpen salystyrǧanda şölge tamǧan tamşydai. TikTok-taǧy kontenttıŋ basym bölıgı qandai sarynda ekenın men aitpasam da özderıŋız baiqap jürsızder", - dedı Gennadii Şipovskih.Senator köptegen memleketterde TikTok-qa ışınara tyiym salynyp jatqanyn mälımdedı. Gennadii Şipovskihtyŋ sözınşe, būl mäselenıŋ Ükımet müşelerımen bırneşe ret köterılgen. Bıraq älı künge deiın nätije bolmaǧan.
"TikTok platformasy ekstremizmdı, radikalizmdı, separatizmdı, şekten tys qauıptı jäne moraldyq qūndylyqtarǧa qaişy kontentterdı anyqtau jäne şekteu boiynşa naqty algoritmdı ūsynuy kerek. TikTok platformasy jas balalardy onlain qauıptı kontentten qorǧau maqsatynda YouTube Kids sekıldı balalarǧa arnalǧan arnaiy jelı ūsynuy qajet. 13 jasqa tolmaǧan balalardyŋ TikTok-qa ata-anasynyŋ telefonynan kırgen jaǧdaida Face ID tehnologiiasy arqyly būǧattau mehanizmın qarastyru kerek. Olai bolmaǧan jaǧdaida elımızde TikTok platformasyn būǧattaudy sūraimyz", – dedı senator.Aita keteiık, deputat osy uaqytqa deiın jelıdegı paraqşasynda Tiktok-tan töner qauıp turaly jazǧan bolatyn.
