Dáýren Qosanov Qorǵanys mınıstriniń orynbasary bolyp taǵaıyndaldy. Bul týraly búgin, 30 qyrkúıekte Aqordanyń baspasóz qyzmeti aıtty, dep habarlaıdy «Adyrna» tilshisi.
«Memleket basshysynyń ókimimen Dáýren Jumataıuly Qosanov Qazaqstan Respýblıkasy Qorǵanys mınıstriniń orynbasary – Qarýly Kúshteri Áýe qorǵanysy kúshteriniń bas qolbasshysy bolyp taǵaıyndaldy, ol burynǵy atqarǵan laýazymynan bosatyldy»,—delingen habarlamada.
Aıta keteıik, Dáýren Qosanov – 1969 jyly 14 qazanda Pavlodar oblysy Krasnokýt aýdany Novotroıkoe aýylynda dúnıege kelgen.
1990 jyly Armavır joǵary áskerı avıaııalyq ushqyshtar ýchılıesin, 2005 jyly Iý. A. Gagarın atyndaǵy Áskerı-áýe akademııasyn bitirgen. Al 2013 jyly Reseı Federaııasy Qarýly kúshteri bas shtabynyń áskerı akademııasyn támamdaǵan.
Ár jyldary Taldyqorǵandaǵy "Sý-27" eskadrılıasynyń komandıri, Qaraǵandy avıabazasy shtabynyń bastyǵy, Shymkent avıabazasynyń komandıri, Qazaqstan Respýblıkasy Qarýly kúshteri áýe qorǵanysy kúshteri áskerı-áýe kúshteriniń qolbasshysy, Aqtóbe qalasyndaǵy Áýe qorǵanysy kúshteri áskerı ınstıtýtynyń dırektory qyzmetterin atqarǵan.
