Prezident Qasym-Jomart Toqaevtyŋ jarlyǧymen Ūlttyq qauıpsızdık komitetınıŋ töraǧasy Ermek Saǧymbaevtyŋ ekı orynbasary taǧaiyndaldy. Būl turaly bügın, 23 qyrküiekte Aqordanyŋ baspasöz qyzmetı jazdy, dep habarlaidy «Adyrna» tılşısı.
«Memleket basşysynyŋ ökımımen Marat Qabidenūly Jūmabaev Qazaqstan Respublikasy Ūlttyq qauıpsızdık komitetı töraǧasynyŋ orynbasary – Syrtqy barlau qyzmetınıŋ direktory lauazymyna taǧaiyndaldy. Memleket basşysynyŋ ökımımen Almas Tılepbergenūly Naimantaev Qazaqstan Respublikasy Ūlttyq qauıpsızdık komitetı töraǧasynyŋ orynbasary lauazymyna taǧaiyndaldy»,—delıngen habarlamada.
Eske salaiyq, 16 qyrküiekte Qasym-Jomart Toqaev ŪQK töraǧasynyŋ orynbasarlary Ruslan Seisembaev pen Asqar Ämırhanovty jūmystan bosatqan edı.
