Balalar ombudsmenı Dinara Zäkieva Facebook jelısındegı jazbasynda balalar ölımınıŋ jiılegenın aitty, dep habarlaidy "Adyrna" tılşısı.
Işkı ıster ministrlıgınıŋ mälımetınşe, Qazaqstanda öz-özıne qol jūmsaityn jasöspırımderdıŋ ortaşa jasy 15-17 jas, bıraq mūndai jaǧdailar 11-13 jas aralyǧyndaǧy balalar arasynda jiılep barady.
Zäkieva memlekettık keŋesşı Erlan Qarinnıŋ töraǧalyǧymen türlı vedomstvolardyŋ, sonyŋ ışınde Bılım, Densaulyq saqtau, Işkı ıster ministrlıkterı, Bas prokuratura jäne basqa da qūrylymdardyŋ ökılderı qatysqan jiynda kämeletke tolmaǧandar arasyndaǧy suisid mäselesı talqylanǧanyn mälımdedı,
Dinara Zäkieva Mädeniet jäne aqparat ministrlıgı suisidtı nasihattaityn materialdardy taratudyŋ 22 faktısın anyqtap, onyŋ 19-y joiylǧanyn atap öttı.
Balalar arasyndaǧy ölımnıŋ jiıleuı dostar arasyndaǧy bulling, äleumettık jelıdegı terıs aqparattar. Zorlyq-zombylyqty taratatyn 56 internet-resurs joiylyp, 101 materialǧa habarlama jıberılgenı belgılı boldy. Sondai-aq ministrlık Telegram jäne Meta platformalary arqyly balalardy tartu üşın paidalanyluy mümkın belgılı bır ataulary bar qauıptı toptardy joiu üşın olarmen bailanysqa şyqty.
Ombudsmen Sifrlyq damu ministrlıgı 111 bailanys ortalyǧynyŋ sapasyn arttyru boiynşa jūmys jürgızıp jatqanyn habarlady.
Uäkıl sondai-aq bırqatar oblystardaǧy, atap aitqanda, Almaty, Şymkent, Aqtöbe jäne Türkıstan oblystaryndaǧy äkımdıkterdıŋ jetkılıksız jūmysy turaly mäselenı köterdı. Būl aimaqtarda psihologiialyq ortalyqtardyŋ tolyqqandy jūmys ısteuı qamtamasyz etılmegen.
«Osy aidan bastap barlyq mektepterde qauıpsızdık sabaqtary engızıldı, bız balalar qūqyǧyn qorǧau komitetımen bır jyl boiy jūmys ıstep jatyrmyz. Barlyǧy 130 sabaq bar. Sondai-aq, 110 mektepte KIVA qorqytuǧa qarsy baǧdarlamasyn pilottyq engızu bastaldy, ol kelesı jyldan bastap barlyq mektepterde engızıletın bolady. Sondai-aq qaŋtar aiynan bastap barlyq mektepterde 500 balaǧa bır psiholog (qazırgı uaqytta 1500 balaǧa 1 psiholgtan keledı) boluy kerek», - dedı.
Ūqsas jaŋalyqtar
