Buǵan deıin Jákishevti sharty túrde merziminen buryn bosatý týraly ótinishti sot qanaǵattandyrmaǵan edi
"Qazatomónerkásip" UAK" AQ burynǵy basshysy Muhtar Jákishevti shartty túrde merziminen buryn bosatý týraly sot sheshimine túsirilgen shaǵym 27 tamyzda qaralmaıdy, dep habarlady advokat Nurlan Beısekeev.
"2019 jyldyń 10 qyrkúıeginde saǵat 16.00-de qaralatyn boldy. Maǵan SMS arqyly habarlady, nege keıinge qaldyrǵanyn aıtqan joq", - dedi Beısekeev Sputnik Qazaqstan tilshisine.
Eske sala ketsek, Jákishevtiń sharty túrde merziminen buryn bosatý týraly ótinishin sot 24 shildede qarap, biraq qanaǵattandyrmaǵan edi. Al osy sot sheshimine túsirigen shaǵym Óskemendegi Shyǵys Qazaqstan oblystyq sotynda 22 tamyzda qaralýy tıis bolatyn, keıin 27 tamyzǵa shegerildi.
Muhtar Jákishevtiń isi
Muhtar Jákishev 2009 jyldyń mamyr aıynda iri ýran ken oryndarynda memlekettik úlesti satty degen aıyppen ustaldy. Sot proesi jabyq rejımde ótti. Sot otyrysy kezinde sottalýshynyń densaýlyǵy syr berýine baılanysty talaı ret jedel járdem shaqyrylǵan. 2010 jyldyń naýryz aıynda Jákishev ysyrap jasap, para alǵany úshin aıypty dep tanylyp, 14 jylǵa bas bostandyǵynyn aıyrldy.
Ótken jyly túrmedegi merzimniń jartysynan kóbi ótti. Osyǵan baılanysty Jákishev shartty túrde merziminen buryn bosatýǵa ótinish bildirdi. Alaıda Semeı qalasynyń soty atalǵan ótinishti qoldaǵan joq.
Byltyr shilde aıynda Jákishevti Semeıdegi OV-156/14 kolonııasyna aýystyrdy. Buǵan deıin ol Almaty oblysyndaǵy Zarechnyı aýylynda jáne Qaraǵandy oblysyndaǵy Dolınka eldi mekenindegi túrmede otyrdy.
Advokat Nurlan Beısekeevtiń aıtýynsha, túrmede otyrǵan Jákishevtiń densaýlyǵy nasharlap ketti. Ol birneshe aýrýǵa dýshar bolǵan. Biraq áli kúnge deıin tolyqqandy medıınalyq tekseristen ótpepti. Búginde ol biraz dári iship, emdelýge májbúr. III toptaǵy múgedek týraly anyqtamasy bar.
