Qostanaı oblystyq soty "Tulpar-Talgo" poıyzynda áıel zorlady dep aıyptalǵan eki jolseriktiń isin qaıta qaraýǵa jiberdi. Bul týraly Tengrinews.kz aqparat agenttigi habarlady.
Oblystyq sot sýdıasy Aslambek Merǵalıev kólik prokýratýrasynyń, zardap shekken áıeldiń apellıaııalyq shaǵymyn qanaǵattandyryp, birinshi ınstanııanyń sheshimin joıdy. Isti prokýratýraǵa qaıta tergeýge jiberdi.
Byltyr qyrkúıekte Nur-Sultannan Aqtóbege barý úshin "Tulpar-Talgo" poıyzyna mingen jolaýshyny túnde kýpege óz kiltterimen kirgen eki jolserik zorlaǵan. Keıin jábirlenýshi "NeMolchıKZ" qoǵamdyq qorynan kómek suraǵan. Al qor jetekshisi Dına Smaılova bul oqıǵa jaıly óziniń Facebook paraqshasyna jarııalaǵannan keıin kópshilik nazar aýdardy.
26 shildede Qostanaı soty "Tulpar-Talgo" poıyzynda aqtóbelik áıeldi zorlady dep aıyptalǵan eki jolserikke úkim shyǵardy. Sýdıa Orazbaı Satybaldy aıyptalýshylar Jetes Úmbetalıev pen Qolǵanat Qurmanııazovty Qylmystyq kodekstiń "Zorlyq" baby boıynsha kináli dep tanyp, 2,5 jáne 2 jyl úsh aıǵa sottady. Sotta prokýror olardy alty jylǵa sottaýdy suraǵan edi. Keıin qoǵamda sot sheshimine narazylyq kúsheıip, eldiń kólik prokýratýrasy sot úkimine apellıaııalyq shaǵym túsirgen.
Poıyzda zorlanǵan áıel de sot sheshimine narazylyq bildirgen.
