Oblysymyzda bilim alýshylardyń jol-kólik jaraqattanýynyń aldyn alý boıynsha is-sharalar turaqty negizde ótkiziledi. Oqýshylarǵa kósheler men joldarda qaýipsiz júris-turys erejeleri, mektepke qaýipsiz joldy qamtamasyz etý úıretiledi. Bilim alýshylar úshin qaýipsiz, qolaıly bilim berý ortasy úshin jaǵdaılar jasalady. Sondaı-aq, mektepterde jol qozǵalysy qaýipsizdigi boıynsha alańdar qurý jumystary júrgizilýde. Balalarǵa jol qozǵalysy erejeleri oıyn túrinde oqytylady.
Aýdandar men qalalardyń ákimdikteri bilim berý uıymdaryna irgeles jatqan jol ınfraqurylymynyń qaýipsizdigin qamtamasyz etedi. Qazirgi ýaqytta óńirimzde 530 mektep, 29 kolledj, 260 balabaqsha jáne 50-den astam qosymsha bilim berý uıymdary jumys isteıdi.
Mysaly, 2023 jyly jol belgilerin, jasandy jol buzýshylyqtaryn, jaıaý júrginshiler ótkelderin ornatý jumystary júrgizildi. 2024-2025 jyldarǵa mundaı jumys mektepter men balabaqshalardyń mańaıynda jol qozǵalysy qaýipsizdigin qamtamasyz etý ınfraqurylymy joq 400-den astam bilim berý obektileri úshin josparlanǵan.
Aǵymdaǵy jyly bilim berý uıymdarynyń janynda jol ınfraqurylymyn jaqsartýdyń eń úlken qajettiligi Astrahan, Býrabaı, Zerendi, Sandyqtaý aýdandarynda jáne Kókshetaý qalasynda baıqaldy. Jergilikti atqarýshy organdar osy máselelerdi keshendi sheshý úshin bilim berý obektilerine qosymsha tekserý júrgizgennen keıin polıııa organdarymen birlesip, bilim berý uıymdaryn, onyń ishinde aýyldyq bilim berý obektileri bólinisinde 2024-2025 jyldarǵa arnalǵan Qaýipsiz jol ınfraqurylymymen qamtamasyz etý jónindegi jospardy ázirlep, bekitti. Osy josparlardy iske asyrý qajetti jaǵdaılar jasaýǵa jáne bilim alýshylardyń qaýipsizdigin qamtamasyz etýge múmkindik beredi.
Búgingi tańda balabaqsha, mektepter men kolledjderdiń janynda 1000-nan astam «Nazar aýdaryńyz, balalar!», «Jaıaý júrginshiler ótkeli», «Jyldamdyqty shekteý» jáne t.b., 100-den astam stroboskop shamdary, 250 mektepte jol belgileri qoıylǵan. Sondaı-aq, bilim berý uıymdary trotýarlar, avtoturaqtar men qorshaýlarmen qamtamasyz etilip, baǵdarshamdar qoıyldy.
«Balalardyń qaýipsizdigin qamtamasyz etýdegi mańyzdy sát ata-analar jınalysy nemese jeke qarym-qatynas arqyly ata-analarmen jumys isteý bolyp qala beredi. Kezdesýler, dárister, dóńgelek ústelder ótkizilip, «Jol qozǵalysy erejeleri», «Qaýipsizdik álipbıi», «Balalardyń jol-kólik oqıǵalarynyń aldyn alýdaǵy otbasynyń róli» máseleleri qaraldy», - dedi bilim basqarmasynyń mamandary.
