Baspanaly bol!

2079
Adyrna.kz Telegram

Ótken jyldyń shilde aıynan bastap elimizde «7-20-25» turǵyn úı baǵdarlamasy júzege asyrylýda. Onyń sharttary kóptegen azamattarǵa turǵyn úı satyp alýǵa múmkindik beredi, óıtkeni kredıt boıynsha syıaqy mólsherlemesi jyldyq 7% – dy, al bastapqy jarna - 20% - dy quraıdy. Jalǵa alý merzimi -25 jylǵa deıin.

Baǵdarlamalarynyń erekshelikteri men sharttary týraly «Baspana» Ipotekalyq uıymnyń, turǵyn úı-kommýnaldyq sharýashylyq bóliminiń jáne Semeı qalasynyń turǵyn úı qurylys Jınaq banki ókilderi arnaıy uıymdastyrylǵan baspasóz máslıhatynda málimdedi.

Brıfıngte baǵdarlamaǵa kez-kelgen azamat nıet bildire alady. Biraq onyń jeke baspanasy men ótelmegen ıpotekalyq qaryzy bolmaýy kerek. Sondaı-aq, aı saıynǵy jalaqysy bolýy kajet.

Aǵymdaǵy jyldyń mamyr aıynda Ulttyq bank baǵdarlamaǵa tólem qabileti bar halyqty qamtýdy keńeıtýge múmkindik beretin ózgerister engizdi. Atap aıtqanda, qaryz alýshynyń bastapqy jarnany 20% - dan artyq engizýge jol beriledi. Osylaısha, negizgi borysh pen bankterdiń qaryz alýshynyń tólem qabilettiligine qoıylatyn talaptary tómendeıdi. Osy jyldyń basynan bastap baǵdarlamaǵa qatysýshylar «Nurly jer» turǵyn úı qurylysy baǵdarlamasy aıasynda salynǵan kredıttik turǵyn úı alýǵa úmitker bola alady.

Kezdesýde kópbalaly otbasylar, múmkindigi shekteýli balalardy tárbıelep otyrǵan otbasylar jáne kámeletke tolmaǵan balalary bar tolyq emes otbasylar qatysa alatyn «Baqytty otbasy» baǵdarlamasy týraly da berildi. Olar úshin nesıe somasynyń 10% mólsherinde bastapqy jarna bolǵan jaǵdaıda jyldyq 2% stavka boıynsha beriledi. Jalǵa alý merzimi-20 jylǵa deıin.

- Osy baǵdarlamanyń kómegimen otbasylar jańa páterlerdi jáne jeke úılerdi satyp ala alady. Nur-Sultan, Almaty, Atyraý, Aqtaý, Shymkent qalalarynda qaryzdyń eń joǵary somasy 15 mln teńgeni quraıdy. Qalǵan óńirlerde-10 mln teńgege deıin. Osy baǵdarlamaǵa qatysýshylar úshin taǵy bir mańyzdy másele-jergilikti ákimdik otbasynyń talap etiletin sanat boıynsha turǵyn úıge kezekte turǵanyn rastaıdy. Ákimdikten joldamany kredıttik ótinim bergenge deıin alý kerek, - dep túsindirdi TÚKSh bólimi basshysynyń orynbasary Dıana Shaıahmetova.

 

 

"Adyrna" ulttyq portaly

Pikirler