Jambyl oblysynda jastar jylyna orai «Biznestıŋ jol kartasy - 2020» memlekettık baǧdarlamasy aiasynda ötkızılgen memlekettık grantty 158 azamat jeŋıp aldy. Būl turaly Öŋırlık kommunikasiialyq alaŋynda oblys äkımdıgınıŋ käsıpkerlık jäne industrialdy-innovasiialyq damytu basqarmasynyŋ basşysy Jeŋıs Sariev mälımdedı.
Jeŋıs Bolatūlynyŋ aituynşa, «Biznestıŋ jol kartasy – 2020» baǧdarlamasy jas käsıpkerlerdıŋ öz jūmysyn bastauǧa zor mümkındık. Sondyqtan da ol atalǧan baǧdarlamasyna qatysyp, baq synaǧysy kelgen jastardyŋ köp bolǧanyn aitady.
– Özderıŋızge belgılı biylǧy jyldy Elbasy jastar jyly dep jariialap, jastarǧa airyqşa qoldau bıldırdı. Osyǧan orai Jambyl oblysynyŋ jastaryn qoldau maqsatynda «Biznestıŋ jol kartasy - 2020» memlekettık baǧdarlamasy aiasynda jergıktı biudjetten 303 million teŋge, al respublikalyq biudjetten 21 million teŋge bölındı. Jas käsıpkerlerdı qoldau maqsatynda jalpy qūny 324 million teŋge bolatyn grant bölındı. Grant bölu jäne konkurs jariialau tärtıbı arnaiy Ükımettıŋ qaulysymen bekıtılıp, konkursttyq komissiianyŋ qūramyna 17 adam kırdı. Konkursttyŋ talaby boiynşa Qarjy agenttıgı töraǧa bola almaidy. Sondyqtan da konkurstyŋ töraǧasy oblystyq «Atameken» fillialynyŋ basşysy bolsa, qalǧan müşeler BAQ qyzmetkerler men ärtürlı salada qyzmet atqaryp jürgen qoǧam belsendılerı boldy, – deidı ol.
Sondai-aq, Jeŋıs Bolatūly baǧdarlamaǧa qyzyǧuşylyq tanytqan jastardyŋ köp bolǧanyn aitady. Naqtyraq aitsaq, oblys boiynşa grantty ūtyp aluǧa niettı 466 ümıtkerden ötınış kelıp tüsken.
– Atap aitsam, Taraz qalasynan 159, Sarysu audanynan 56, Baizaq audanynan 43, Şu audanynan 31, Merkı audanynan 27, Rysqūlov audanynan 26, Jambyl audanynan 23, Qordai audanynan 16, Talas audanynan 16 jäne Moiynqūm audanynan 8 joba ūsynyldy. Audandardyŋ arasynan Sarysu audany öte belsendı bolǧanyn aityp ötken jön. Ūsynylǧan 466 jobanyŋ 21-ı mümkındıgı şekteulı azamat bolyp sanalady. Jobaǧa qyzyǧuşylyq joǧary boluyna bailanysty konkursttyŋ komissiianyŋ 7 otyrysy öttı. Dauys beru prosedurasyna toqtalatyn bolsaq, är kommisiia müşesı öz pıkırı hattamaǧa engızıldı. Komissiianyŋ ūiǧarymy boiynşa, 158 jas käsıpkerge grant beru turaly şeşım şyǧaryldy. Baǧdarlamaǧa qatysqan 21 mümkındıgı şekteulı azamattyŋ 8-nıŋ jobasy maqūldanyp otyr. Al Taraz qalasynan 49, Sarysu audanynan 20, Baizaq audanynan 9, Şu audanynan 7, Merkı audanynan 10, Rysqūlov audanynan 11, Jambyl audanynan 12, Qordai audanynan 6, Moiynqūm audanynan 3, Talas audanynan 16 jäne Jualy audanynan 15 joba maqūldandy. Jalpy 158 jobanyŋ arqasynda 400 adam jūmyspen qamtylatyn bolady, – deidı basqarma basşysy.
Memlekettıŋ damuy üşın şaǧyn jäne orta käsıpkerlık damuy qajet. Bügın 400 jūmys ornyn aşqan 158 azamat bolaşaqta ırı käsıpker bolady dep senemız.
"Adyrna" ūlttyq portaly
