Erlı-zaiypty Burak Duran men İdil Duran jeke avtobusymen Düniejüzılık köşpendıler oiynyn tamaşalau üşın Ankaradan Astanaǧa jolǧa şyqty, dep habarlaidy «Adyrna» tılşısı «Qazaqstan» ūlttyq arnasyna sılteme jasap.
Telearna mälımetınşe, türık otbasy Astanaǧa deiın 5400 şaqyrym jol jüredı. Anyǧyn aitqanda, Türkiiadan Gruziiaǧa, keiın Reseige ötıp, Tatarstan arqyly Qazaqstanǧa jetpek.
Būl olimpiada oiyndary siiaqty auqymdy jarys. Sondyqtan köşpendıler oiynyny men onyŋ qatysuşylaryn älemge körsetu kerek. Dodanyŋ biyl Qazaqstanda ötetının estıp, nege «Köşpendı» dep atalatyn avtobusymyzben alys saiahatqa şyqpasqa degen oi keldı. Türkiiadaǧy jerlesterımızge Qazaqstanǧa bara jatqanymyzdy aitqanda qatty taŋǧaldy. Bız otbasymyzben sportşylarymyzǧa janküier bolyp, qoldau bıldırgımız keledı. Avtobusty baspana retınde arnaiy jabdyqtau üşın 3 jyl kettı. Qazır Gruziiaǧa at basyn tıredık. 2 jasar ūlymyzben bırge bükıl Ortalyq Aziiany aralaimyz. Osy tūsta közıme jas kelıp, bıraz tolqyp tūrmyn. Öitkenı bız bauyrlas halyqpyz, Qazaqstan — bızdıŋ ata jūrtymyz»,—deidı İdil Duran.
Aita keteiık, türkı älemı köz tıkken köşpendıler oiyny kezınde Elordaǧa jalpy 100 myŋnan astam turist keledı dep kütılıp otyr. Osyǧan orai 20-dan astam qonaqüidıŋ, sondai-aq turister jiı baratyn oryndardyŋ daiyndyǧy pysyqtalyp, qala köşelerın abattandyru, bezendıru qarqyndy jürgızılıp jatyr.
<
