Memleket basshysy Qasym-Jomart Toqaev qazaqstandyqtardy Konstıtýııa kúnimen quttyqtady, dep habarlaıdy «Adyrna» tilshisi.
«Ata zań – memlekettiligimizdiń berik tuǵyry, elimizdiń dáıekti ári turaqty damýynyń myzǵymas kepili.
Memleket pen qoǵam ómiriniń negizin aıqyndaıtyn Konstıtýııada azamattardyń múddesine, quqyǵy men bostandyǵyna aıryqsha nazar aýdarylǵan. Sondyqtan Qazaqstanda júzege asyrylyp jatqan barlyq aýqymdy ózgeristiń maqsaty – halyqtyń ál-aýqatyn jaqsartý»,—dedi ol.
Prezıdent 2022 jylǵy konstıtýııalyq reformanyń nátıjesinde jan-jaqty demokratııalandyrý úderisi bastalǵanyn atap ótti.
«Saıası júıeni jańǵyrtýǵa jaǵdaı jasaldy. Quqyq qorǵaý ınstıtýttarynyń jáne Adam quqyqtary jónindegi ýákildiń mártebesi kóterildi. Sondaı-aq Konstıtýııalyq Sot quryldy. Bul mekeme qazir elimizde zań ústemdigin ornyqtyrýǵa barynsha yqpal etip otyr.
Konstıtýııanyń ádil ári berekeli qoǵamnyń tiregi sanalatyn zań men tártipti qamtamasyz etý jolyndaǵy róli nyǵaıa tústi.
Azamattardyń negizgi zańymyzdy qurmettep, onyń talaptaryn buljytpaı oryndaýy – naǵyz otanshyldyqtyń jáne joǵary jaýapkershiliktiń aıqyn kórinisi. Biz Konstıtýııada bekitilgen qasterli qundylyqtarǵa súıene otyryp, barshaǵa birdeı múmkindik beretin Ádiletti Qazaqstandy birge quratynymyzǵa kámil senemin. Ár shańyraqqa baq-bereke, tolaıym tabys tileımin!» — dep tolyqtyrdy Qasym-Jomart Kemeluly.
