Erlan Qojasbaı: Kúres tarıhyndaǵy eń aýqymdy álem chempıonatyn ótkizýdi josparlap otyrmyz

16.08.2019

3181

Kúres álemindegi basty sporttyq oqıǵaǵa bir aıdan az ýaqyt qaldy. 2019 jyldyń 14-22 qyrkúıek aralyǵynda Qazaqstan elordasynda grek-rım, erkin jáne áıelder kúresi boıynsha Álem chempıonaty ótedi. Nur Sultandaǵy týrnır Japonııa astanasynda ótetin Tokıo-2020 Olımpıadasyna alǵashqy irikteý saıysy bolatyndyǵymen erekshelenedi.
Álem chempıonatynda Olımpıadalyq oıyndarǵa joldama alý úshin elordalyq «Barys Arena» muz saraıynda 100 eldiń 993 myqty palýany kúsh synasady.
Mundaı aýqymdy sporttyq is-shara sport qaýymdastyǵynda úlken qyzyǵýshylyq týdyrady. Sonymen qatar, chempıonatqa 200-ge jýyq BAQ ókilderi tirkelip, jankúıerler 7000-nan astam bıletterdi satyp aldy.
Mártebeli meımandar arasynda UFC aýyr salmaqtaǵy chempıony Denıel Kormeniń, sondaı-aq Halyqaralyq Olımpıada komıtetiniń basshylyǵynyń kelýi kútilýde. Chempıonatqa qatysýshylar arasynda da kóptegen juldyzdy sportshylar bar. Erkin kúres ókilderi arasynda 97 keli salmaqtaǵy reseılik «Tank» Abdýlrashıd Sadýlaev pen amerıkalyq Kaıl Snaıder arasyndaǵy ymyrasyz beldesýi eń kóp kútken tartys dep sanaýǵa bolady. Sondaı-aq, ıtalııalyq Frank Chamızo men amerıkandyq palýan Djordan Barroýzdyń arasyndaǵy aıqyn qaqtyǵys bolatyny kútilýde. Úsh dúrkin Olımpıada chempıony, grek-rım kúresi boıynsha kýbalyq Mıhaın Lopez Nur-Sultanǵa Olımpıada joldamasyn jeńip alý úshin jáne tórt olımpıadalyq altyndy jeńip alǵan erler men áıelder arasyndaǵy alǵashqy jáne jalǵyz palýan japondyq Kaorı Ichoǵa teńestirý úshin keledi.
«Alda jaýapty ic-shara, biz oǵan tolyǵymen daıynbyz. Aldymyzda qoıylǵan órshil maqsat - kúres tarıhyndaǵy eń aýqymdy álem chempıonatyn ótkizý. Qazaqstandyq balýandarǵa keler bolsaq, birneshe kún buryn 65 keli, 86 keli, 92 keli jáne 125 keli salmaqtarynda erkin kúres sheberleri arasynda qorytyndy beldesýleri ótkizildi. Osy salmaqtarda eki úmitkerden boldy. Alaıda, ulttyq quramasynyń bas bapkeri Áset Serikbaev jáne keńes-jattyqtyrýshy Maırbek Iýsýpov basqaratyn jattyqtyrýshylar shtabymen eki jeńiske jetken, ádil tańdaý nátıjesi boıynsha, álem chempıonatynda elimizdiń namysyn qorǵaıtyn ulttyq quramanyń aqtyq quramy anyqtaldy. Men batyrlarymyzdy osymen quttyqtaǵym keledi. Jattyqtyrýshylar quramy óziniń joǵary biliktiligine saı, palýandarymyzdy durys fýnkıonaldy, fızıkalyq jáne moraldyq-psıhologııalyq kúıde álem chempıonatyna jetkizýine úmit artyp, balýandarymyzdyń sapaly jáne ádemi óner kórsetetine senimdimiz», - dedi Uıymdastyrý komıtetiniń tóraǵasy Erlan Qojasbaı.
Aıta keteıik, grek-rım, erkin jáne áıelder kúresinen álem chempıonaty Qazaqstan astanasynda 14-22 qyrkúıek aralyǵynda ótedi. Bıletterdi Kassir.kz, Ticketon.kz jáne Zakazbiletov.kz saıttarynan satyp alýǵa bolady. Álem chempıonatynyń bıletteriniń quny 1000 teńgeden bastalady.

Facebook - парақшамызға жазылыңыз!