2025 jyldyń 1 qańtarynan bastap «Iandeks.Taksı» men Indriver óz platformalarynda róli oń jaqtaǵy kólikterdi tirkemeıdi, dep habarlaıdy "Adyrna" ulttyq portaly QazTAG-qa siltep.
Brıfıngte Kólik mınıstri Marat Qarabaev Qazaqstanda róli oń jaqta ornalasqan kólikterge qatysty málámdeme jasady.
«Oń róldi kólikter bar, olar sol jaq rýlge aýystyrylǵan. Olar adam densaýlyǵyna qaýip tóndiredi. Oń róldi kólikterde 13 tańbaly VIN kody bolsa, sol jaqtaǵy kólikterde 17 tańbaly VIN kody bar. Internet-provaıderler tekserý júrgizip, 1 qańtardan bastap olardy óshiredi», - dedi Qarabaev úkimet otyrysynda.
«2025 jyldyń 1 qańtarynan bastap «Iandeks.Taksı» men Indriver óz platformalarynda róli oń jaqtaǵy kólikterdi tirkemeıdi. Kólik mınıstrligi men osy eki kompanııa arasynda tıisti kelisimge qol qoıylǵan», – dedi ol.
