Elşılık qyzmetkerlerı qazaqstandyq qyzǧa aqşalai kömek körsetıp tūrady
Osydan bes jyl būryn ūstalǧan Qazaqstan azamaty qazır Qytaidyŋ Guanchjou qalasyndaǧy tüzetu mekemesınde qamauda otyr.
Qazaqstannyŋ Qytaidaǧy elşılıgınıŋ mälımetıne süiensek, Tūrlybai qasyndaǧy sottalǧandarǧa aǧylşyn tılın üiretıp jür.
"Körkem ädebietterdı oqidy. Dene şynyqtyrumen ainalysady. Qytai tılın jaqsy meŋgerıp alǧan. Tüzetu mekemesındegı jaǧdaiǧa qatysty şaǧymy joq", - delıngen syrtqy ıster ministrlıgınıŋ Sputnik Qazaqstan saualyna bergen resmi jauabynda.
Qazaqstannyŋ Qytaidaǧy elşılıgınıŋ qyzmetkerlerı Guanchjoudaǧy türmege baryp, Tūrlybaidyŋ qal-jaǧdaiyn bılıp tūrady eken. Būǧan qosa, aqşalai kömek körsetıp, sūraǧan kıtaptaryn tauyp beredı. Ministrlıktıŋ aqparatynşa, qazır Aqjarqyn Tūrlybaidyŋ ısı QHR Guandun ölkesı Joǧarǧy halyq sotynyŋ qarauynda. Oǧan qatysty tergeu jūmysy jürgızılıp jatyr. "Tūrlybaidyŋ zaŋdy qūqyqtaryn jäne müddelerın sotta qorǧau maqsatynda "Şetelde Qazaqstannyŋ müddelerın bıldıru" baǧdarlamasy boiynşa respublikalyq biudjetten bölıngen qarajatqa Beijıŋnıŋ "Dahen" advokattyq kompaniiasynan bılıktı zaŋger jūmysqa tartyldy", - delıngen habarlamada.Aqjarqyn Tūrlybaidyŋ taǧdyry
Qazaqstan azamaty Aqjarqyn Tūrlybai 2014 jyly nauryzda Guanchjou äuejaiynda ūstalǧan bolatyn. Oǧan şekaradan 4,5 kelı esırtkını alyp ötpek boldy degen aiyp taǧyldy. Ol kezde otandasymyz 20 jasta bolǧan edı. 2015 jyldyŋ mausymynda Qytai soty ony ömır boiyna bas bostandyǧynan aiyrdy. Sotta Aqjarqyn şeteldık dosy aldap ketkenın aityp, kınäsın moiyndaǧan joq. 2016 jyly sot şeşımı joiylyp, ıs qaita qarauǧa jıberıldı.Aqjarqyn Tūrlybaidyŋ ömırbaiany
Aqjarqyn Tūrlybai 1994 jyly 21 aqpanda tuǧan. Qyzdyŋ otbasy Türkıstan oblysynda tūrady. Almatydaǧy Qazaq memlekettık qyzdar pedagogika universitetıne oquǧa tüsken. Üşınşı kurstan bastap tüngı klubta daiaşy bolyp jūmys ıstep, tabys taba bastaǧan. Qytaiǧa qūrbysyna tauar äkeluge kömektesu üşın barypty."Adyrna" ūlttyq portaly
