Búgin belgili túrkolog ǵalym, tarıh ǵylymdarynyń doktory Qarjaýbaı Sartqojauly 78 jasqa qaraǵan shaǵynda dúnıeden ótti. Qaraly habardy jýrnalıst Beken Qaıratuly jetkizdi, dep habarlaıdy «Adyrna» tilshisi.
«Qazaqtyń aımańdaı azamaty, jankeshti ǵalym, ultynyń joǵyn joqtap, jyrtyǵyna jamaý bolǵan úlken túrkolog - ǵalym Qarjaýbaı aǵamyz baqıǵa attandy. Alla aldynan jarylqasyn! Týǵan-týys, aǵaıyn-jurtqa jáne jeńgemiz Jáleıge kóńil aıtamyn! Qobda betiniń qazaqtary arysyń attandy, Alla panasyna alǵaı!» - dep jazdy ol.
Qarjaýbaı Sartqojauly 1947 jyly 21 naýryz Mońǵolııanyń Baıan-Ólke aımaǵynda dúnıege kelgen. Ol — «Qosh bol, apa!», «Qyrannyń qazasy», «Sáıgúlikter» atty kórkem prozalyq kitaptardyń, 250-den astam ǵylymı maqalanyń avtory. 30-ǵa jýyq ǵylymı maqalasy orys, franýz, aǵylshyn, mońǵol, qazaq, qytaı tilderinde ǵylymı basylymdarda jarııalandy.
