Búgin Túrkistanda «Taza Qazaqstan» ekologııalyq akııasy aıasynda aýqymdy tazalyq sharasy ótti. Qorshaǵan ortany qorǵaýǵa úndeıtin «Qala tazalyǵy – perzenttik paryzym» ekologııalyq akııasy qalanyń 10 aýmaǵynda uıymdastyryldy.
Atap aıtsaq, Q.A.Iasaýı kesenesi men «Hanshaıym plaza» kesheni, Kúltóbe qalashyǵy aýmaqtarynda, «Jeńis» saıabaǵy men «Otyrar» móltek aýdanyndaǵy 36, 37, 38, 39, 40 kópqabatty turǵyn úı aýlalarynda, sondaı-aq Álqoja ata, Alshyn, Dastanov, Nahıpov, Áıteke bı, Ǵ.Músirepov kóshelerinde ótti.
Kezekti tazalyq kúnine 1000-ǵa jýyq azamat qatysty. 30-ǵa jýyq tehnıka jumyldyrylyp, 18 mekeme qyzmetkerleri men qala turǵyndary atsalysty. Belgilengen aýmaqtar tazalanyp, aǵashtardy kútip-baptaý jumystary júrgizildi. Senbilik nátıjesinde qala kóshelerinen 300 tonnaǵa jýyq qoqys shyǵaryldy.
Tazalyq akııasy aıasynda ár apta saıyn qala ákimdigine qarasty mekeme qyzmetkerleri óz ǵımarattary men kóshelerine senbilik ótkizip, ekologııalyq akııaǵa belsendilik tanytyp otyr.
Sondaı-aq ár apta saıyn tazalyq kúnderine baılanysty sanıtarlyq tazalaý jumystary júrgiziledi.