Túrkistan oblysy Arys qalasyndaǵy áskerı qoımadaǵy jarylys kezinde jaralanǵan úsh adamnyń biri segiz jasar Aıan Sháripbek qaıtys boldy. Bul týraly Azattyqqa balanyń ákesi Erbol Sháripbek habarlady.
Búginge deıin Nur-Sultan qalalyq № 2 balalar aýrýhanasynyń jan saqtaý bóliminde jatqan balanyń dárigeri Aıdyn Nurtasulynyń sózinshe, Aıannyń júregi 2 tamyzda tańerteń toqtaǵan.
24 maýsymda Arystaǵy qarý qoımasynda jarylys bolyp, adamdardy evakýaııalap jatqan kezde 8 jasar Aıan Sháripbekti kólik qaǵyp ketip, basy jaraqattanǵan edi. Búldirshindi 28 maýsymda sanavıaııamen Nur-Sultan qalasyna shuǵyl jetkizgen. Dárigerler operaııa jasap, shetelden dárigerler shaqyrtylǵan.
Ákesi Erbol Sháripbektiń sózinshe, úıdiń kenjesi Aıan zerek ári pysyq bala bolǵan. Buǵan deıin Azattyqqa bergen suqbatynda Erbol Sháripbek Arys qalasyndaǵy jedel járdemniń ulyna der kezinde kómek kórsetpegenin aıtqan.
Densaýlyq saqtaý mınıstrliginiń dereginshe, jarylystan úsh adam qaza tapqan. Onyń biri - beıbit turǵyn, ekeýi - áskerı qyzmetker. Jarylystan soń 400-den astam azamat dáriger kómegine júgingen. Taǵy 80 adam túrli jaraqatpen aýrýhanaǵa jatqyzylǵan.
24 maýsymda Arys qalasynda áskerı qoıma órtenip, arty iri jarylysqa ulasqan. Resmı derek boıynsha, ondaǵy oq-dárilerdiń 70 paıyzdan astamy jarylyp ketken. Qaladaǵy turǵyn-úılerdiń basym bóligi búlingen. Buǵan deıin bılik Arysty qalypqa keltirýge 34,5 mlrd teńge qajet ekenin, ár turǵynǵa 100 myń teńge beriletinin málimdegen.
Derekkóz: azattyq.org
"Adyrna" ulttyq portaly
