Bul toı ánshisine 2019 jyly “ǵaıyptan” Shymkenttiń qurmetti azamaty degen ataq berildi. Kimniń yqpalymen berilgeni belgili ǵoı. Ony usynǵan adamnyń kóńilin qımaı sol kezdegi máslıhat depýtattary qoldap bekitip berdi.
Negizi bul ataqqa usynylatyn úmitkerlerdi belgili bir krıterııalar arqyly irikteledi. Ári óz talaptary bar. Bul ánshini qandaı “eren eńbegi” úshin berilgeni maǵan jumbaq. Ánshiligi úshin deıin deseń, eshqandaı halyqaralyq júlde almaǵan “fonogramık”. Qaıyrymdylyq jasaýmen aty shyqpaǵan. Naqty qalamyz ben halqymyzǵa tıgizgen eshqandaı paıdasy joq. Qalamyzdy damytýǵa qosqan úlesi bolsa bir sári tym quryǵanda. Ondaı paıdasy tıdi dep te aıta almaımaımyn.
Sonda bul toıdyń ánshisine baı-shonjarlardyń toıynda án salǵany úshin berildi me?! Toıǵa shyqsa, aqshaǵa shyqty. Álde qala men mektepterde tegin konertter berdi me?! Ne úshin berildi buǵan sonda?! Álde jastarǵa úlgi dep berdi me? Úlgi dep bergen bolsa, ol úlgi bolyp júr me qazir?
Olaı bolsa qazir úlgi emes dep aıtyp, bul ataǵyn keri qaıtarý kerek. Oǵan qazirgi máslıhattyń tolyq quzireti bar. Kezinde ketken qatelikti túzetetin ýaqyt keldi.
Bulardiki rahat eken. Buzaqylyq jasap ana jaqqa “kirip-shyǵyp”, onysynan uıalmastan yrjalaq-yrjalaq etip, ázilin aıtyp, ánin shyrqap júre beretin.
Negizi bul ataqtyń quny óte joǵary. Oǵan óz salasynyń eń laıyqtysy, qalaǵa ábden eńbegi sińgen dep qoǵamda moıyndalǵan azamattarǵa ǵana buıyrady. Al mynandaılarǵa berý arqyly biz bul abyroıly ataqtyń qunyn qoldan túsirip jatyrmyz. Al bul ataqtyń abyroıyn asqaqtatýymyz úshin osyndaılardan qaıtadan keri qaıtarýymyz kerek. Bul ataqtyń abyroıyn osylaı ǵana kóteremiz.
Ári kelesi joly úmitkerlerdi irikterde oılanatyn bolamyz. Bul sabaq bolady.
Bul barlyq oblys, qala, aýdandarǵa tıesili ortaq másele. Túbindegi oıy ortaq. Qaırat jaı ǵana tilge tıek, mysal ǵana!
