Sokolov-Sarybaı shahtasynda jumysshy qaıtys boldy, dep habarlaıdy "Adyrna" ulttyq portaly.
Qostanaı oblysyndaǵy ken-baıytý óndiristik birlestiginiń shahtasynda jazataıym oqıǵa bolǵan. Jumysshynyń qaıtys bolǵany týraly aqparat 11 shilde kúni belgili boldy.
Shahta málimetinshe, 280 metr deńgeıindegi jıekte jarý jumystaryn júrgizgennen keıin iliktastardy jınaý kezinde taý-ken jynysynyń kesegi opyrylyp ketip, uńǵylaýshynyń ústine qulaǵan. Oqıǵa saldarynan jumysker qaza tapty.
"SSKÓB AQ ujymy men basshylyǵy marqumnyń týystaryna qaıǵyra kóńil aıtady. Marqumnyń otbasyna qajetti kómek kórsetiledi. Oqıǵa qatysty tergeý bastaldy", - delingen kompanııa taratqan aqparatta.
