Poıyzdaǵy zorlyq oqıǵasyna qatysty sot úkiminiń qanshalyqty zańdy ekeni tekseriledi. "Talgo" jolserikteri zorlaǵan boıjetken sot úkimi shyqqannan keıin aýrýhanaǵa túsip qaldy.
Dına Smaılovanyń aıtýynsha, boıjetken tamaq jeýden bas tartqan.
"Úkim shyqqan soń boıjetken aýrahanada eki kún jatty. Sodan keıin qashyp ketti. Jata almady. Týystarynyń kelgenin kútip otyrmyn. Sodan keıin men de ketemin", - deıdi Smaılova.
Qoǵam belsendisiniń aıtýynsha, jábirlenýshi birneshe kúnnen beri tamaqtanbaǵan. Jaǵdaıy aýyr kúıde.
Smaılova 5 kún ishinde úkim shyǵýy kerek ekenin, odan soń sot sheshimine shaǵym túsiretinderin aıtty.
"Bas kólik prokýratýrasynyń málimetinshe, Nurly jol - Aqtóbe habarlamasy bar № 98 poıyz vagonynda jolaýshynyń zorlanǵany týraly qylmystyq is boıynsha sotta prokýror aıypty tolyqtaı qoldap, kinálilerdi 6 jyl 6 aıǵa sottaýdy suraǵanyn habarlady. Sot basqa sheshim qabyldady, qazirgi ýaqytta sot úkiminiń zańdylyǵy tekserilýde", - dedi bas kólik prokýrory Ernat Sybanqulov Facebook paraqshasynda.
"Adyrna" ulttyq portaly
