Qazırgı taŋda biudjet qarjysyna 10-şaǧyn audanda 180 päterlı 3 tūrǧyn üidıŋ qūrylysy jürude. Sondai-aq ärqaisysy 60 päterlık 9 köpqabatty üidıŋ smetalyq qūjattary jasalyp jatyr. Būl turaly Qonaev qalasynyŋ äkımdıgı ūiymdastyrǧan press-tur barysynda belgılı boldy.
«Aldaǧy jyldary 31 köpqabatty üi tūrǧyzu josparlanǧan. Jalpy 2050 jylǧa eseptelgen Bas josparǧa säikes, 2 538.2 myŋ şarşy metr tūrǧyn üidı qoldanysqa beru közdelude», – dedı qūrylys bölımınıŋ bas mamany Samal Tasqalieva.
Tılşıler bügınde jeke investorlardyŋ qarjysyna salynyp jatqan «Sun City» jäne «Aristokrat»keşenderıne bardy. «Sun City» keşenı 12 qabattan, 3 bölıkten tūrady. Jalpy audany – 23 000 şarşy metr, mūnda 360 päter bar.
Al «Aristokrat» keşenınde 552 päter qamtylǧan. Ǧimarattyŋ jalpy audany – 54,5 myŋ ş.m. Bes blokty 10,9 myŋ ş.m. qūraityn bölıgın biyl paidalanuǧa beru josparlanǧan.
«Qalamyzda 7 qūrylys kompaniiasy öz qarajattary esebınen 2 tūrǧyn üi keşenı men 5 köpqabatty tūrǧyn üi qūrylysyn jürgızude. Olardyŋ jalpy audany 123,61 myŋ şarşy metrdı qūraidy. Halyqtyŋ äleumettık osal toptaryn kommunaldyq tūrǧyn üimen qamtamasyz etu maqsatynda 85 päter satyp alynyp, tūrǧyn üi-kommunaldyq şaruaşylyǧy bölımınıŋ teŋgerımıne öttı. Jaqynda tabys etıledı», – dedı maman.
Būdan keiın jurnalister būqaralyq sportty damytuǧa arnalǧan «Krossfit» alaŋyna bardy. Mūnda şaǧyn futbol, basketbol, vorkaut alaŋdary ornalasqan. Tapsyrys beruşı – qalalyq äkımdıktıŋ tūrǧyn üi-kommunaldyq şaruaşylyǧy bölımı. Qūrylys jūmystary byltyr bastalyp, biyl aiaqtalady dep kütılude. Nysannyŋ jalpy aumaǧy – 1 gektardan astam. Alaŋnyŋ ärın jasyl aimaq pen şaǧyn säulettık nysandar keltırıp tūr.
«Būl jerde jūrt demaluǧa ärı deneşynyqtyrumen ainalysuǧa arnalǧan sporttyq şaralardy ūiymdastyrmaqpyz. Qonaevta jylyna 300-den astam türlı turnir, jarystar, dodalar ötedı. Sportsüier qauymnyŋ da sany jyl sanap artuda. Äsırese, aşyq alaŋda ūiymdastyrylatyn şaralardyŋ körermenı qalyŋ», – dedı mädeniet jäne sport bölımınıŋ basşysy Bibıgül Şaikenova.
Būdan bölek, BAQ qyzmetkerlerı jaŋadan aşylǧan №5 qalalyq jaǧajaidy aralap şyqty. Demalys ornynyŋ aumaǧy 2,7 gektardy alyp jatyr. Mūnda futbol, voleibol, vorkaut, balalar oiyn alaŋdary, üstel tennisı ornatylǧan. Suǧa tüsu orny men därethana, şatyrlar, pirs, jasyl aimaq, biznes obektılerı, balalar basseinı, avtotūraq ta bar. Qūtqaruşylarǧa arnalǧan 2 oryn qoiylǧan.
Jergılıktı mamandardyŋ sözınşe, qalada turizm salasyn damytuǧa erekşe köŋıl bölınıp otyr. Byltyrǧy şomylu mausymynda 1,2 mln halyq kelse, biyl onyŋ sany ekı ese ösuı mümkın degen boljam bar. Osy baǧyttaǧy jūmystar ary qarai da jalǧasyn tabady.
Jaǧajai jaily jūrtşylyq ta pıkırın bıldırdı.
«Ūnady. Būl nysan basqalarmen salystyrǧanda ädemı etıp jasalǧan eken. Balalarymyz hauyzǧa şomylyp, ätkenşek teuıp, riza bolyp jür. Qonaev örkendep, dami bersın», – dedı almatylyq tūrǧyn Aigerım.
Sonymen qatar mamandar Qonaevta №6 jäne №7 jaǧajailardy abattandyru közdelıp otyrǧanyn aitty. Al №8 jaǧajai investorlar qarjysyna salynyp, attraksiondar parkıne ainalmaq.
