Aqmola oblysy Qosşy qalasyndaǧy Rahymjan Qoşqarbaev atyndaǧy №1 mekteptıŋ tülegı 11 jyl boiy üzdık oqyp, «Altyn belgı» iegerı atandy. Talapker «Adyrna» tılşısıne bergen sūqbatynda mūndai jetıstıkke qajyrly eŋbek pen üzdıksız ızdenıstıŋ arqasynda jetkenın aitty.
Aiym Erjanova — biylǧy ŪBT-dan 140 ball jinaǧan ekınşı oquşy. Ol bärı bırden bolmaǧanyn aitady.
BİIK MEJEGE JETU MAQSATY
Aiym testı tapsyrǧan bır ümıt pen bır küdıktıŋ bolǧanyn jasyra almady. - Būl menıŋ ekınşı mümkındıgım boldy. Alǧaşqy testtı 18 mausymda tapsyryp, 136 ūpai jinadym. Sol uaqyt aralyǧynda daiyndalyp, barlyǧyn qaitalap şyqtym. 28 mausym künı ŪBT-ǧa qoryqpai kırdım. Şynymdy aitsam, testtı 1 saǧatta aiaqtaǧandyqtan, özıme senımdı boldym. Alaida 1-2 sūraqtan qate ketse şe degen ürei boldy. Ony barlyq ŪBT tapsyruşy tüsınedı dep oilaimyn. Soŋynda “aiaqtau” degen batyrmany basyp, 140 degen balldy körgende quanyşymda şek bolmady. Aldyma maqsat etıp qoiyp, oǧan barymdy salyp, osyndai biık mejege jetu ärqaşan oiymda boldy. Maqsatyma jetkenım üşın özımdı keremet baqytty sezındım, - deidı Aiym.ERTE DAIYNDYQ
Jas tülek Ūlttyq bıryŋǧai testıleuge 10 synyptan bastap daiyndalǧan. - Jalpy taŋdau pänderım - düniejüzı tarihy men aǧylşyn tılı. «Ekı şet tılı» mamandyǧyn taŋdap otyrmyn. Äzırge qai universitette oqitynymdy naqty aita almaimyn. Alaida öz elımde, iaǧni Qazaqstanda oquymdy jalǧastyramyn.Mamandyǧyma tüsu üşın qiyn pänderdıŋ bırı düniejüzı tarihyn oqyp, barlyq aqparatty este saqtau kerektıgın tüsınu menı daiyndyqty erterek bastauǧa jeteledı. 10 synyptyŋ basynan özım būrynnan qatysyp jürgen mekteptegı ıs-şaralardan bas tartyp, tek ŪBT-ǧa fokus qoidym. ŪBT bekıtken oqulyqtardyŋ är söilemıne nazar audaryp, tüsınıp oqu arqylydüniejüzı tarihynan 50/50 men Qazaqstan tarihynan 20/20 ūpaiǧa qol jetkızdım, - deidı ol.ŪSTAZDARǦA ALǦYS
Daryndy oquşy daiyndyqqa öte köp uaqytyn arnaǧanyn atap öttı. - Ūiyqtaityn uaqyttan basqa barlyq kezde testıleuge daiyndaldym desem bolady. Bır pännen jalyqsam, kelesısıne ötıp otyrdym. Osy oraida düniejüzı tarihy pänınen offlain sabaqtardan bölek, oquşylary üşın qyzyqty videolar tüsırıp bızdı 0-den bastap oqytqan Älışer Aldoŋǧarovqa şeksız rahmet aitqym keledı. Sol beinesabaqtardy jatsam da, tūrsam da, jolda kele jatsam da tyŋdaitynmyn. Būl maǧan öte köp septıgın tigızdı. Sonymen qatar Qazaqstan tarihy pänınen ärtürlı oiyndar oinatyp, sabaqty barynşa qyzyqty ötkızgen bılımdı ūstaz Tūran Saǧadatovqa da köp rahmet! - dep alǧysyn jetkızdı ol.KEREK KEŊES
Aiym Erjanova ŪBT-ny endı tapsyratyn talapkerlerge öz aqyl-keŋesın aitty. - ŪBT-ǧa daiyndalu barysynda jüielı jospar qūruǧa keŋes beremın. Eŋ aldymen, ıştei jaqsy niet bolyp, üzdıksız daiyndalu arqyly ǧana joǧary nätijege qol jetkızuge bolady der edım. Ärine, arasynda demaludy da ūmytpau kerek. Uaqtyly ūiyqtap, kütıngen jön. Ata-anama maǧan körsetken qoldauy men jasaǧan jaǧdaiy üşın alǧysymdy bıldıremın. Taǧy bır maǧan kömektesken zat - dostarymmen kezdesıp, bırge taqyryptardy taldap, sūraqtar qoiu. Keremet orta keremet bolaşaqqa jeteleidı. Bır-bırımızge motivasiia berıp, laifhaktarymyzben bölısıp, barlyǧy qiyn, kürdelı dep oilaityn daiyndyqty qyzyqty etıp ötkızdık, -dep sözın qorytyndylady jas tülek. Aita keteiık, ŪBT tapsyruǧa daiyndalǧan bılım beru ortalyǧy Aiym Erjanovaǧa bes million teŋge, jaŋa iPhone jäne Dubaiǧa saiahat syilady. Būǧan deiın Almaty oblysynyŋ tülegı Jannūr Eŋsebektıŋ testıleuden 140 ball jinaǧanyn jazǧan edık.Diana Asan
«Adyrna» ūlttyq portaly
