Túrkııa bıligi Qytaıdan kiretin avtomobılge keden salyǵyn kóbeıtý týraly sheshim qabyldady. Saýda mınıstrliginiń sheshimimen 7 shildeden bastap salyq mólsheri 40 % bolady, dep habarlaıdy «Adyrna» tilshisi kolesa.kz-ke silteme jasap.
Osylaısha Túrkııa jaqynda qosymsha tarıf engizgen AQSh bastamasyna qosyldy. Túrkııa barlyq Qytaı kóligine salyqty kóbeıtti. Jańa tarıf sharty boıynsha salyq somasy 7 myń dollardan kem bolmaýy kerek.
Bılik bul sheshimdi jergilikti avtonaryq pen avtoónerkásipti — Tofaş zaýyty men Togg elektromobıl óndirýshisin qorǵaý, sondaı-aq syrtqy saýda balansyn saqtaý maqsatynda engizgenin aıtty. Byltyr defııt 45.2 mlrd dollar boldy. Bılik jańa tarıf ınflıaııany tejeıdi dep otyr, mamyrda ınflıaııa deńgeıi 75 %-ǵa jetti.
2024 jyldyń qańtar-sáýirinde Túrkııada Qytaıdan kelgen 30 myń avtomobıl (kóbi Chery) ótken, bul naryqtyń 10 %-yn qurady.
Eýropa elderi de jergilikti óndirýshilerdi qorǵaý úshin Qytaı kólikterine kóptep salyq salýǵa daıyndalyp jatyr. AQSh-ta mundaı tarıf kúshine engen, biraq barlyq avtomobılge emes, mysaly, elektromobılge salyq mólsheri 102.5 %-ǵa jetti.
Qazirgi tańda Qytaı kompanııalary buǵan qarsy sharalar qabyldap jatyr. Olar Eýroodaq aýmaǵynda zaýyt salýǵa nıetti. BYD, Chery jáne Great Wall osyndaı jospary bar ekenin jarııalady. Sondaı-aq Meksıkada kólik shyǵaryp, Soltústik Amerıkaǵa satpaq.
Al Orta Azııa naryǵyn Qazaqstan men Ózbekstan arqyly damytady. Munda da joǵaryda atalǵan brendter zaýyt salyp jatyr. Almatyda Chery, Changan jáne GWM ónimin qurastyratyn AMMKZ zaýyty boı kóteredi, al Ózbekstannyń Jızaq qalasynda BYD gıbrıdteri shyǵyp jatyr. Qyrǵyzstanda da markanyń jeke óndiris orny ashylýy múmkin.
Reseı bıligi ýtıl alymyn kóbeıtý arqyly Qytaı kásiporyndaryn tejeýdi josparlap otyr, biraq bul másele boıynsha áli túpkilikti sheshim shyqqan joq.
